🇬🇧 இலங்கை மீதான கூட்டு அறிக்கை. ஐக்கிய இராச்சியத்தின் மனித உரிமைகள் தூதுவர் எலினோர் சாண்டர்ஸ் அவர்களால் சமர்ப்பிக்கப்பட்டது.
இடம்: ஜெனீவா
சமர்ப்பிக்கப்பட்ட திகதி: 8 செப்டம்பர் 2026
தலைவர் அவர்களே,
இந்த அறிக்கையானது இலங்கைக்கான முக்கியக் குழுவான கனடா, மலாவீ, மொண்டெனேகுரோ, வடக்கு மக்கெதோனியா மற்றும் ஐக்கிய இராச்சியம் ஆகியவற்றால் சமர்ப்பிக்கப்படுகின்றது.
இலங்கையின் மனித உரிமைகள் நிலைமை தொடர்பான உயர்ஸ்தானிகரின் சமநிலையான மதிப்பீட்டை நாங்கள் வரவேற்கின்றோம். கடுமையான காலநிலை நிகழ்வுகள் மற்றும் உலகளாவிய எரிசக்தி அதிர்ச்சிகள் உட்பட, இலங்கை அண்மையில் கணிசமான சவால்களை எதிர்கொண்டுள்ளது. இந்த பின்னணியில், சீர்திருத்தங்கள் தொடர்பில் அரசாங்கம் தெரிவித்துள்ள அர்ப்பணிப்பானது, உறுதியான முன்னேற்றமாக மாற்றப்படுவது அத்தியாவசியமானதாகும்.
சர்வதேச தொழிலாளர் அமைப்பின் (ILO) 190 ஆவது சாசனத்தின் ratification மற்றும் மாற்றுத்திறனாளிகளின் உரிமைகளுக்கான சாசனம் (CRPD) மீதான இலங்கையின் ஈடுபாடு உட்பட, சுட்டிக்காட்டப்பட்ட நேர்மறையான முன்னேற்றங்களை நாங்கள் வரவேற்கின்றோம். (இந்த செய்தித் தொகுப்பு தமிழ்க்கிளிக் (TamilKlik) செய்தித் தளத்திலிருந்து பிரதிசெய்யப்பட்டது…)
இருப்பினும், பொறுப்புக்கூறல் மற்றும் நல்லிணக்க முயற்சிகளில் நம்பிக்கையை கட்டியெழுப்புவதற்கு இன்னும் கூடுதலான நடவடிக்கைகள் தேவையாகவுள்ளன. பல முக்கிய வழக்குகள் குறித்த முன்னேற்றமானது, கடந்தகால மீறல்களுக்குத் தீர்வுகாண்பதற்கான முழுமையான, பாதிக்கப்பட்டவர்களை மையமாகக் கொண்ட பொறுப்புக்கூறல் செயன்முறையொன்றை இன்னும் துணைக்கொண்டு வரவில்லை. ஆயிரக்கணக்கான வலிந்து காணாமலாக்கப்பட்ட சம்பவங்கள் இன்னமும் தீர்க்கப்படாமல் உள்ளதை மனிதப் புதைகுழி அகழ்வாராய்ச்சிகள் நினைவூட்டுகின்றன. மேலும், வடக்கு மற்றும் கிழக்கு உட்பட, சிவில் சமூகம், ஊடகவியலாளர்கள் மற்றும் பாதிக்கப்பட்ட குழுக்களைப் பாதிக்கும் அச்சுறுத்தல்கள், துன்புறுத்தல்கள் மற்றும் கட்டுப்பாடுகள் குறித்த தகவல்கள் இன்னமும் கவலையை ஏற்படுத்துகின்றன.
பாதிக்கப்பட்ட அனைத்து சமூகங்களினதும் தேவைகளை பூர்த்திசெய்யும் வெளிப்படையான மற்றும் அனைவரையும் உள்ளடக்கிய கலந்தாய்வுச் செயன்முறைகள் ஊடாக, ஜனநாயக ஆட்சியை முன்னெடுத்துச் செல்லுமாறு நாங்கள் வலியுறுத்துகின்றோம். சட்ட மற்றும் நிறுவன ரீதியிலான சீர்திருத்தங்களை முன்னெடுத்தல், காணி தொடர்பான பிரச்சினைகளுக்குத் தீர்வுகாணல், தடுப்புக்காவல் நிலையங்களில் மனித உரிமைகள் மதிக்கப்படுவதை உறுதிசெய்தல் மற்றும் சுயாதீன நிறுவனங்களைப் பலப்படுத்துதல் ஆகியன இதில் உள்ளடங்க வேண்டும்.
நன்றி.
#HRC63 #SriLanka #UNHRC #HumanRights #UKinGeneva #SriLankaCoreGroup
