🇷🇴 ✈️ ரஷ்ய தாக்குதலால் பதற்றம்: ருமேனிய எல்லையில் ட்ரோன் விபத்து – போர் விமானங்களை அனுப்பியது நேட்டோ! 🇺🇦 💥

✈️ நேட்டோ எல்லைப்பகுதியில் போர் விமானங்கள் அவசரமாகப் புறப்பாடு! ✈️

உக்ரைன் மீது ரஷ்யா நடத்திய தீவிர இரவுநேரத் தாக்குதல்களின் போது, அளில்லா விமானம் (ட்ரோன்) ஒன்று நேட்டோ உறுப்பு நாடான ருமேனியாவின் வான்பரப்பிற்குள் நுழைந்ததைத் தொடர்ந்து, நேட்டோ போர் விமானங்கள் அவசரமாக வான்பரப்பிற்கு அனுப்பி வைக்கப்பட்டன. ருமேனிய எல்லைக்கு அருகில் வான்வழி இலக்குகள் சிலவற்றைத் தங்களது ரேடார் அமைப்பு அதிகாலை 2:23 மணியளவில் கண்டறிந்ததாக ருமேனியப் பாதுகாப்பு அமைச்சகம் தெரிவித்துள்ளது.

💥 ருமேனிய வான்பரப்பில் நுழைந்து விழுந்து நொறுங்கிய ட்ரோன்! 💥

நிலைமையைக் கண்காணிக்க ஸ்பெயின் விமானப்படையின் இரு F-18 போர் விமானங்கள் உடனடியாக வான்பரப்பிற்கு அனுப்பி வைக்கப்பட்டன; அத்துடன் ருமேனிய விமானப்படையின் ஹெலிகப்டர் ஒன்றும் வான்வழி ஆய்விற்காகத் தயார் நிலையில் ஈடுபடுத்தப்பட்டது. அமைச்சகத்தின் தகவல்படி, கலாட்டி (Galați) நகரத்திற்கு கிழக்கே சுமார் 13 கிலோமீட்டர் தொலைவில் ட்ரோன் ஒன்று நாட்டின் வான்பரப்பிற்குள் நுழைந்துள்ளது. பின்னர் அது துல்சியா (Tulcea) பிராந்தியத்தில் உள்ள மக்கள் வசிக்காத பகுதியில் விழுந்து நொறுங்கியதில் தீப்பற்றி எரிந்தது; இருப்பினும் உயிர்ச்சேதங்கள் எதுவும் பதிவாகவில்லை.

விழுந்து நொறுங்கிய அந்த ட்ரோன் ரஷ்யாவிற்குச் சொந்தமானதா, உக்ரைனுடையதா அல்லது தவறுதலாக ருமேனிய வான்பரப்பிற்குள் நுழைந்ததா என்பது உடனடியாகத் தெளிவாகத் தெரியவில்லை.

🏥 கீவ் நகரில் ரஷ்யாவின் ஏவுகணைத் தாக்குதல்கள்! 🏥

அதேவேளையில், உக்ரைனின் தலைநகர் கீவ் மீது ரஷ்யா நடத்திய இரவோடு இரவான ஏவுகணைத் தாக்குதலில் குறைந்தது 6 பேர் உயிரிழந்ததுடன், நகரம் முழுவதும் வெடிசத்தங்கள் எதிரொலித்தன. இத்தாக்குதலில் குறைந்தது 33 பேர் காயமடைந்துள்ளதுடன், குடியிருப்பு அமைப்புகள், மருத்துவமனை மற்றும் கல்வி நிறுவனம் ஆகியன சேதமடைந்துள்ளன.

🛡️ போலந்தின் முன்னெச்சரிக்கை நடவடிக்கைகள்! 🛡️

இதனிடையே, உக்ரைனுடன் தனது கிழக்கு எல்லையைப் பகிர்ந்து கொள்ளும் போலந்தும், தனது வான்பரப்பைப் பாதுகாப்பதற்காகப் போர் விமானங்களை வான் ரோந்துப் பணியில் ஈடுபடுத்தியது. நாட்டின் வான்பரப்பைப் பாதுகாப்பதையும், அச்சுறுத்தலுக்கு உள்ளாகியுள்ள பகுதிகளுக்கு அருகில் உள்ள வான்வெளியைப் பலப்படுத்துவதையும் நோக்கமாய் கொண்டு இ நடவடிக்கை எடுக்கப்பட்டுள்ளதாகப் போலந்து தெரிவித்துள்ளது.

⚠️ மூன்றாம் உலகப் போர் அச்சமும் நேட்டோ ஒப்பந்தமும்! ⚠️

உக்ரைனுக்கு ஆதரவளிக்கும் போலந்து, ருமேனியா போன்ற நேட்டோ நாடுகளுக்கு ரஷ்யா தொடர்ந்து அச்சுறுத்தல் விடுத்து வந்த போதிலும், விளாடிமிர் புடினின் படைகளுக்கும் நேட்டோ கூட்டமைப்புக்கும் இடையே இதுவரை நேரடி மோதல் எதுவுமே ஏற்படவில்லை. ஒருவேளை அவ்வாறு மோதல் ஏற்படுமாயின், அது நேட்டோ ஒப்பந்தத்தின் பிரிவு 5-ன் (Article 5) கீழ் கூட்டுப் பதிலடிக்கு வழிவகுக்கும்.

உக்ரைன் மீதான ஆக்கிரமிப்பின் மூலம் புடின் ஏற்கனவே மூன்றாம் உலகப் போரைத் தொடங்கிவிட்டார் என உக்ரைனிய அதிபர் ஸெலென்ஸ்கி குறிப்பிட்டிருந்த போதிலும், இந்தப்போர் பிற ஐரோப்பிய நாடுகளை நேரடி மோதலுக்குள் இன்னும் இழுக்கவில்லை.

#Romania #NATO #F18 #UkraineWar #RussiaUkraineWar #KyivAttack #Tulcea #WorldNews #TamilKlik