🚨 🩺 ❤️ 🇺🇸 “மொஞ்சாரோ எனது வாழ்க்கையையே மாற்றிவிட்டது”… சுமார் 30 கிலோ எடையைக் குறைத்த பிரபல நடிகை ரோசி ஓடோனல் நெகிழ்ச்சி!
பிரபல அமெரிக்கத் தொலைக்காட்சித் தொகுப்பாளினியும் நடிகையுமான ரோசி ஓடோனல், உடல் எடையைக் குறைக்கும் ‘மொஞ்சாரோ’ (Mounjaro) மருந்து பயன்பாட்டினால் தமது வாழ்க்கையே முற்றாக மாறிவிட்டதாகத் தெரிவித்துள்ளார். 💉 💊 இந்த மருந்தின் மூலம் அவர் சுமார் 30 கிலோ (65 பவுண்ட்) எடையைக் குறைத்துள்ளமை குறிப்பிடத்தக்கது. ⚖️ 📉
📌 “உணவு மீதான ஈர்ப்பைக் கட்டுப்படுத்தியது”
தற்போது 64 வயதாகும் ரோசி ஓடோனல், ‘பீப்பிள்’ (People) சஞ்சிகைக்கு வழங்கிய செவ்வியிலேயே தனது இந்த அனுபவத்தைப் பகிர்ந்து கொண்டுள்ளார். 🎙️ 📖
“மொஞ்சாரோ எனது வாழ்க்கையை மாற்றிவிட்டது. ஆரம்பத்தில் இந்த பெயரை சரியாக உச்சரிக்கக் கூட எனக்குத் தெரியவில்லை,” எனத் தெரிவித்த அவர், “மூன்று ஆண்டுகளுக்கு முன்பு எனக்கு டைப் 2 நீரிழிவு நோய் இருப்பது கண்டறியப்பட்டபோதே இந்த மருந்தைப் பயன்படுத்தத் தொடங்கினேன். 🩺 🏥 இது உணவைப் பற்றிய எண்ணங்களை என் மனதில் அமைதிப்படுத்திய விதம் எனக்கு ஆச்சரியத்தை அளித்தது,” எனக் குறிப்பிட்டுள்ளார். 🧠 🍽️
தனது வாழ்நாள் முழுவதும் எடைக் கட்டுப்பாட்டுச் சிக்கல்களால் அவதியுற்றதாகவும், அதிக எடையுடன் இருக்கும் நபர்கள் எதிர்கொள்ளும் அவமானங்களை தான் நன்கு அறிவதாகவும் அவர் மேலும் தெரிவித்தார். 😔 💔
🎬 🎥 சினிமாத்துறையில் எதிர்கொண்ட மன உளைச்சல்
1992 ஆம் ஆண்டு வெளியான ‘ஏ லீக் ஒஃப் தெயர் ஓன்’ (A League Of Their Own) திரைப்படப் படப்பிடிப்பின் போது ஏற்பட்ட அனுபவங்கள், தனது உடல் எடை குறித்தான தயக்கங்களை மேலும் அதிகரித்ததாக ஓடோனல் நினைவுகூர்ந்தார். 🎬 📽️
“அப்படத்தின் இயக்குநர் பெனி மார்ஷல் என்னிடம், ‘ரோசி, நீ 20 பவுண்டுகள் எடையைக் குறைக்க வேண்டும்’ என்று கூறினார். அதைக் கேட்டபோது எனக்கு மிகுந்த மனவேதனை அளித்தது. 😞 🎭 ஆனால், இப்போது அன்றைய எடையிலேயே நான் இருக்கிறேன். இருப்பினும், தற்போது மிகவும் ஆரோக்கியமாகவும் பலமாகவும் உணர்கிறேன்,” என அவர் தெரிவித்தார். 💪 ✨
🩺 💊 மொஞ்சாரோ மருந்து என்றால் என்ன?
பிரித்தானியாவின் தேசிய சுகாதார சேவையின் (NHS) தகவலின்படி, ‘மொஞ்சாரோ’ என்பது வாரம் ஒருமுறை ஊசி மூலம் செலுத்தப்படும் ஒரு மருந்துப் பரிந்துரையாகும். 💉 🏥 இது டைப் 2 நீரிழிவு நோய் மற்றும் உடல் பருமனை நிர்வகிக்கப் பயன்படுகிறது. பசியைக் குறைத்து, வயிறு நிறைந்த உணர்வை நீண்ட நேரம் வைத்திருக்க இது உதவுகிறது. 🥗 🩺
சமீபகாலமாக உலக அளவில் பேசப்படும் இந்த உடல் எடைக் குறைப்பு மருந்தைப் பயன்படுத்தியதாக ஜெரமி கிளார்க்சன், டேம் ப்ரூ லீத் மற்றும் ஷரோன் ஆஸ்போர்ன் போன்ற பல உலகப் பிரபலங்கள் வெளிப்படையாக ஒப்புக்கொண்டுள்ளனர். 🌟 🤩
✂️ 🏥 முகச்சீரமைப்பு அறுவைசிகிச்சை (Facelift)
திடீரென உடல் எடை பெருமளவில் குறைந்ததால், தனது தாடைப் பகுதியில் அதிகப்படியான தோல்கள் தொங்கி, தான் சோகமாக இருப்பது போல் தோன்றியதாக ஓடோனல் குறிப்பிட்டார். 🙁 🪞 இதன் காரணமாகவே அவர் ‘டீப் பிளேன் லோயர் ஃபேஸ்லிஃப்ட்’ (Deep plane lower facelift) எனும் முகச்சீரமைப்பு அறுவைசிகிச்சையைச் செய்துகொண்டார். 🩺 ✂️
இதுகுறித்து தொடக்கத்தில் தனக்குள் குற்ற உணர்வும் தயக்கமும் இருந்ததாகக் கூறிய அவர், “ஒரு பெண்ணியவாதியாக எனது உடலுக்கு என்ன செய்ய வேண்டும் என்பதை நானே தீர்மானிப்பதே உண்மையான சுதந்திரம் என்பதை உணர்ந்தேன். 👩 ⚖️ 👑 மக்கள் எனது தோற்றத்தில் உள்ள மாற்றத்தைப் பற்றிக் கேட்கத் தொடங்கிய பின்னரே இதை வெளிப்படுத்தினேன். இதற்காக 90,000 அமெரிக்க டொலர்கள் செலவானது,” எனத் தெரிவித்தார். 💰 💵
📺 🎭 50 ஆண்டுகால கலைப்பயணம்
1980களில் ‘ஸ்டார் சேர்ச்’ (Star Search) திறமைக்காட்சி நிகழ்ச்சி மூலம் புகழ்பெற்ற ரோசி ஓடோனல், 1996 முதல் 2002 வரை ‘தி ரோசி ஓடோனல் ஷோ’ (The Rosie O’Donnell Show) என்ற தனது சொந்த நிகழ்ச்சியைத் தொகுத்து வழங்கி அமெரிக்காவின் முன்னணித் தொகுப்பாளினியாக மாறினார். 📺 🎙️ பின்னர் ‘தி வியூ’ (The View) நிகழ்ச்சியையும் இணைத் தொகுப்பாளராக வழிநடத்தினார்.
அவரது 50 ஆண்டுகால கலைப்பயணத்தில் ‘ஸ்லீப்லெஸ் இன் சியாட்டில்’ (Sleepless In Seattle), ‘தி பிளின்ட்ஸ்டோன்ஸ்’ (The Flintstones), ‘எக்சிட் டூ ஈடன்’ (Exit To Eden) மற்றும் ‘பியூட்டிஃபுல் கேர்ள்ஸ்’ (Beautiful Girls) உட்பட பல புகழ்பெற்ற திரைப்படங்களில் நடித்துள்ளார் என்பது குறிப்பிடத்தக்கது. 🎬 🌟
#RosieODonnell #Mounjaro #WeightLoss #HealthNews #CelebrityNews #DiabetesCare #Hollywood #TamilKlik
