விமானக் கட்டணங்கள் உயர்வுடன் நூற்றுக்கணக்கான சேவைகள் ரத்து! சர்வதேச விமானப் போக்குவரத்தில் ஏற்பட்டுள்ள புதிய நெருக்கடி! 🛑✈️

எரிபொருள் நெருக்கடியால் அதிரடி முடிவு! இந்த கோடைகாலத்தில் 10 முன்னணி விமான நிறுவனங்களின் சேவைகள் ரத்து! ✈️📉

உலகளாவிய ரீதியில் ஏற்பட்டுள்ள விமான எரிபொருள் (Jet Fuel) நெருக்கடி காரணமாக, இந்த கோடைகாலத்தில் உலகின் முன்னணி 10 விமான நிறுவனங்கள் தங்களது நூற்றுக்கணக்கான விமானச் சேவைகளை ரத்துச் செய்துள்ளதோடு, பல விமானங்களைத் தற்காலிகமாகத் தரையிறக்கியுமுள்ளன. 🚨

பிரித்தானியாவின் வியத்தகு அரசியல் நகர்வு! 🇬🇧

விமான எரிபொருள் விநியோகத்தை சீர்செய்யும் நோக்கில், பிரித்தானியப் பிரதமர் கியர் ஸ்டார்மர் (Keir Starmer) ஒரு அதிரடி முடிவை எடுத்துள்ளார். உக்ரைன் மீதான படையெடுப்பை அடுத்து, 2022 ஆம் ஆண்டு முதல் ரஷ்யாவுக்கு எதிராகக் கடைப்பிடித்து வந்த கடுமையான பொருளாதாரத் தடைக் கொள்கையை சற்றே தளர்த்தி, ரஷ்ய டீசல் மற்றும் விமான எரிபொருட்களை இறக்குமதி செய்வதற்கு அவர் அனுமதி வழங்கியுள்ளார். எனினும், இந்த எண்ணெய் ஏனைய நாடுகளில் சுத்திகரிக்கப்பட்டதாக இருக்க வேண்டும் என்ற நிபந்தனையுடன், இதற்கான அனுமதிப்பத்திரம் காலவரையறையின்றி வழங்கப்பட்டுள்ளது.

நெருக்கடிக்கான பின்னணி என்ன? 🗺️💥

மத்திய கிழக்கில் நிலவும் பதற்ற நிலை மற்றும் உலகளாவிய எண்ணெய் விநியோகத்தின் 20 சதவீதத்தைக் கொண்டுள்ள ‘ஹோர்முஸ் நீரிணை’ (Strait of Hormuz) பகுதியில் ஏற்பட்டுள்ள முடக்க நிலை காரணமாகவே எரிபொருள் விலைகள் இவ்வாறு உச்சம் தொட்டுள்ளன.

இருப்பினும், அமெரிக்கா மற்றும் ஸ்பெயின் ஆகிய நாடுகள் தங்களது எரிபொருள் உற்பத்தியை அதிகரித்துள்ளதால், ஐரோப்பாவில் வரவிருக்கும் வாரங்களில் பாரிய விமானச் சேவைத் தடங்கல்கள் ஏற்பட வாய்ப்பில்லை என நிபுணர்கள் கருதுகின்றனர். முன்னதாக ஒரு பேரல் (Barrel) 150 பவுண்டுகளாகக் காணப்பட்ட எரிபொருள் விலை, தற்போது 120 பவுண்டுகள் வரை குறைந்துள்ளது.

விமானச் சேவைகளை ரத்துச் செய்துள்ள முக்கிய நிறுவனங்கள்: 👇

• 🇺🇸 ஸ்பிரிட் எயார்லைன்ஸ் (Spirit Airlines): அமெரிக்காவின் மிகக் குறைந்த கட்டண விமான நிறுவனமான இது, எரிபொருள் விலை உயர்வு தாங்க முடியாமல் தனது சேவைகளை முழுமையாக நிறுத்தியுள்ளது. இதனால் அமெரிக்காவில் விமானப் பயணம் மிகவும் செலவுமிக்கதாக மாறியுள்ளது.
• 🇩🇪 லுஃப்தான்சா (Lufthansa): ஜெர்மனியின் இந்த தேசிய விமான நிறுவனம், நீண்டதூரப் பயணங்களுக்கான எரிபொருளைச் சேமிக்கும் நோக்கில் அக்டோபர் மாதம் வரையிலான 20,000 குறுகியதூர விமானச் சேவைகளை ரத்துச் செய்துள்ளது.
• 🇶🇦 கத்தார் எயார்வேஸ் (Qatar Airways): ஜூன் முதல் அக்டோபர் வரையிலான காலப்பகுதியில் சுமார் 2 மில்லியன் ஆசனங்களை (Seats) இந்நிறுவனம் குறைத்துள்ளது.
• 🇦🇪 எமிரேட்ஸ் மற்றும் எட்டிஹாட் (Emirates & Etihad): துபாய் மற்றும் தோஹா போன்ற வான்வழிகள் மூடப்பட்டதன் விளைவாக ஐக்கிய அரபு அமீரகத்தின் இந்த இரு நிறுவனங்களும் தங்களது சேவைகளைக் கணிசமாகக் குறைத்துள்ளன.
• 🇺🇸 யுனைடெட் எயார்லைன்ஸ் (United Airlines): 2026 ஆம் ஆண்டிற்கான தனது சேவைத் திறனை 5 சதவீதத்தால் குறைத்துள்ளதுடன், நெரிசல் குறைந்த நாட்களிலுள்ள (செவ்வாய், புதன், சனி) சேவைகளை ரத்துச் செய்துள்ளது.
• 🇸🇪 எஸ்.ஏ.எஸ் (SAS): ஸ்வீடன் நாட்டின் தேசிய விமான நிறுவனமான இது, ஏற்கனவே 1,000 க்கும் மேற்பட்ட சேவைகளை ரத்துச் செய்துள்ளது.
• 🇹🇷 டோக்கிஷ் எயார்லைன்ஸ் (Turkish Airlines): இஸ்தான்புல்லில் இருந்து சர்வதேச ரீதியிலான 18 இடங்களுக்கான விமானச் சேவைகளை மே மாதம் முதல் தற்காலிகமாக நிறுத்தியுள்ளது.
• 🇲🇾 எயார்ஏசியா எக்ஸ் (AirAsia X): தனது ஒட்டுமொத்த சேவைகளில் 10 சதவீதத்தைக் குறைத்துள்ளதுடன், 20 சதவீத எரிபொருள் கூடுதல் கட்டணத்தையும் விதித்துள்ளது.
• 🇳🇿 எயார் நியூசிலாந்து (Air New Zealand): ஜூன் மாதம் வரையிலான சேவைகளைக் குறைத்துள்ளதுடன், பயணக் கட்டணங்களையும் அதிகரித்துள்ளது.

மத்திய கிழக்கு மோதல்கள் எவ்வளவு காலம் நீடிக்கும் மற்றும் உலக சந்தையில் எரிபொருள் விலை எவ்வாறான மாற்றங்களைச் சந்திக்கும் என்பதைப் பொறுத்தே இந்த நிலவரங்கள் மேலும் மாறக்கூடும் எனப் பொருளாதார வல்லுநர்கள் சுட்டிக்காட்டியுள்ளனர்.

#AirlinesCrisis #JetFuelPrice #FlightCancellations #GlobalEconomy #AviationNews #KeirStarmer #TravelUpdate #SriLankanTamil #TamilNews #WorldNews