“வீடுகளுக்குத் தீ வைப்பு, பொலிஸார் மீது தாக்குதல்!” – பெல்ஃபாஸ்ட்டில் இரண்டாவது நாளாகவும் நீடிக்கும் பயங்கரவாத வன்முறைக் களம்! 🛑🚔பாய்ந்து வந்த பெற்றோல் குண்டுகள்! 🔥🇺🇬

🛑 குடியேறிகளைத் தேடி வீதி வீதியாகக் கிளம்பிய வன்முறைக் கும்பல்: “நான் வெள்ளையினத்தவர்” என நிரூபிக்க கதவுகளைத் திறந்து காட்டிய பெல்ஃபாஸ்ட் மக்கள்! 🚪

வட அயர்லாந்தின் பெல்ஃபாஸ்ட் (Belfast) நகரில் உள்ள ஷன்கில் வீதி (Shankill Road) பகுதியில், முகமூடி அணிந்த காடையர் கும்பல் ஒன்று வீதி வீதியாகச் சென்று குடியேறிய மக்களைத் (Migrants) தேடித் தாக்கிய அதிர்ச்சித் தகவல் வெளியாகியுள்ளது. இக்கும்பலின் தீவைப்பு மற்றும் தாக்குதல்களில் இருந்து தங்களது வீடுகளைப் பாதுகாப்பதற்காக, ஏன்ஸ்வொர்த் அவென்யூ (Ainsworth Avenue) பகுதியில் வசிக்கும் வெள்ளையினக் குடும்பங்கள் தங்களது வீட்டுத் வாசற்கதவுகளைத் திறந்து காட்டி, தாங்கள் உள்ளூர்வாசிகள் என்பதை நிரூபிக்க வேண்டிய அவலநிலை ஏற்பட்டுள்ளது.

🗣️ “என் பிள்ளைகள் உள்ளே இருக்கின்றார்கள், நான் வெள்ளையினத்தவர்!” – நேரில் கண்ட சாட்சி

இந்த வன்முறை குறித்து 42 வயதுடைய டோரதி எவிட் (Dorothy Evitt) என்ற பெண்மணி கருத்துத் தெரிவிக்கையில்:

“செவ்வாய்க்கிழமை இரவு பயங்கரமான கூச்ச சத்தம் கேட்டது. ஒரு தாய் தனது பிள்ளைகளைக் கட்டியணைத்தபடி, ‘என் பிள்ளைகள் உள்ளே இருக்கின்றார்கள், நான் வெள்ளையினத்தவர்!’ என்று சத்தமிட்டுக் கதவைத் திறந்து காட்டினார். வன்முறைக் கும்பல் ஒவ்வொரு வீட்டின் கதவுகளையும் பலமாகத் தட்டி, உள்ளே இருப்பவர்கள் யார் என்று சோதித்துவிட்டு, ‘நீங்கள் இருக்கலாம், உங்களுக்குப் பிரச்சினையில்லை’ எனக் கூறிவிட்டு அடுத்த வீட்டை நோக்கி நகர்ந்தனர். அவர்கள் யாரைத் தேடுகின்றார்கள் என்பதில் மிகத் தெளிவாக இருந்தார்கள்” என்றார்.

இருப்பினும், இப்பகுதியில் குடியேறிகளின் வரவு அதிகரித்துள்ளதால் உள்ளூர் மக்கள் பாரிய நெருக்கடிகளைச் சந்திப்பதாகவும், தனது 8 வயது மகள் வெளியில் சென்று விளையாடக் கூட அச்சப்படும் நிலை உள்ளதாகவும் அவர் மேலும் குறிப்பிட்டார்.

👩‍⚕️ தப்பியோட தாதி சீருடை அணிந்த உகாண்டா நாட்டுப் பெண்கள்!

இந்த வீதியில் வசித்து வந்த உகாண்டா நாட்டைச் சேர்ந்த இரு பெண் சுகாதாரப் பணியாளர்கள் (Carers), வன்முறையாளர்களிடம் இருந்து தங்களைக் காப்பாற்றிக் கொள்வதற்காக அவசர அவசரமாகத் தங்களது தாதி (Nurse) சீருடைகளை அணிந்து கொண்டுள்ளனர். தங்களைச் சட்டப்பூர்வமான பணியாளர்கள் எனக் காட்டிக் கொண்டால் தப்பலாம் என்ற இக்கட்டான நிலைக்கு அவர்கள் தள்ளப்பட்டனர்.

அருகிலிருந்த வீட்டிற்கு பெற்றோல் குண்டு (Petrol Bomb) வீசப்பட்டு, தீப்பிழம்புகள் உயர்வதைக் கண்ட சுமையா நகசிப்வே (Sumayah Nakazibwe, 35) என்ற பெண் அதிக பயத்தினால் அந்த இடத்திலேயே மயங்கி விழுந்துள்ளார். மூன்று வருடங்களுக்கு முன்பு பிரித்தானியாவுக்கு வந்து, முதியோர் பராமரிப்புப் படிப்பை மேற்கொண்டு தாததி உதவியாளராகப் பணிபுரியும் அவர், “நான் இந்தச் சமூகத்திற்கு முழு மனதுடன் சேவை செய்கின்றேன். ஆனால் இந்த வன்முறை என் மனதை மாற்றிவிட்டது, நான் எனது சொந்த நாட்டுக்கே திரும்புவது நல்லது என நினைக்கின்றேன்” என வேதனையுடன் தெரிவித்தார்.

பின்னர், ஜக் மெக்கீ (Jack McKee) என்ற உள்ளூர் மதபோதகர் ஒருவர், செங்கற்களுடன் நின்ற 20 க்கும் மேற்பட்ட வன்முறையாளர்களுடன் பேச்சுவார்த்தை நடத்தி, தீயணைப்புப் படையினரின் உதவியோடு இந்த இரு பெண்களையும் பத்திரமாக மீட்டுள்ளார்.

📉 அரசியல் தோல்வியும் வீட்டுவசதிப் பிரச்சினையும்!

இது குறித்து உள்ளூர் நகரசபை உறுப்பினர் ரொன் மக்டொனால்ட் (Cllr Ron McDowell) கருத்துத் தெரிவிக்கையில்:

“வெள்ளையினத்தவர் அல்லாத ஒருவரின் நிலை இப்பகுதியில் எவ்வளவு மோசமானது என்பதை இந்தச் சம்பவம் காட்டுகின்றது. இங்குள்ள பல வாடகை வீடுகளில் வெளிநாடுகளைச் சேர்ந்த 5 அல்லது 6 இளைஞர்கள் ஒன்றாகத் தங்கியிருக்கின்றார்கள். இதற்கான வாடகைப்பணமும் மிக அதிகமாக வசூலிக்கப்படுகின்றது. வாடகைக்கு விடப்படும் வீடுகளை இலக்கு வைத்தே இத்தாக்குதல்கள் நடத்தப்பட்டுள்ளன. இது மக்களின் தவறல்ல, முறையான வீட்டுவசதித் திட்டங்களை வகுக்காத அரசியல்வாதிகளின் தோல்வியே ஆகும்” எனக் குற்றம் சாட்டினார்.

🚔 பொலிஸார் மீது தாக்குதல்: வன்முறைக் களமாக மாறும் அன்ட்ரிம் வீதி!

புதன்கிழமை இரவும் அன்ட்ரிம் வீதி (Antrim Road) பகுதியில் வன்முறை வெடித்தது. கறுப்பு நிற ஆடையும் முகமூடியும் அணிந்த நூற்றுக்கணக்கான இளைஞர்கள், வீதிகளில் உள்ள கற்களையும் நடைபாதை சிலாப்களையும் சுத்தியல்களால் உடைத்து பொலிஸார் மீது வீசித் தாக்கினர். மேலும், ஒரு பழைய வாகனத்தைக் கடத்தி வந்து அதற்குத் தீ வைத்தும் வீதியை மறித்துக் கலவரத்தில் ஈடுபட்டனர். நிலைமையைக் கட்டுப்படுத்த பொலிஸார் தண்ணீர்ப் பீரங்கிகளைப் (Water Cannons) பயன்படுத்த வேண்டியிருந்தது.

இது குறித்துப் பேசிய பொலிஸ் உதவிப் பொலிஸ் அதிபர் ரையன் ஹெண்டர்சன் (Assistant Chief Constable Ryan Henderson):

“இளைஞர்களைத் தூண்டிவிட்டு, முகமூடி அணியச் செய்து வீதிக்கு அனுப்பும் நபர்கள் உடனடியாக இதனை நிறுத்த வேண்டும். மருத்துவப் பணியாளர்களின் பாதுகாப்பை உறுதிப்படுத்த மருத்துவமனைப் பகுதிகளில் பொலிஸ் ரோந்துச் சேவைகள் அதிகரிக்கப்பட்டுள்ளன. வன்முறையில் ஈடுபடுபவர்களுக்கு நீதிமன்றம் மூலம் நீண்டகாலச் சிறைத்தண்டனை பெற்றுத்தர பொலிஸார் தயாராக இருக்கின்றார்கள்” என எச்சரித்துள்ளார்.

#tamilklik #tamil #tamilnews #belfast #northernireland #racism #healthcareworkers #nhs #nhsnurse #ugandancarer #shankillroad #belfastnews #stopracism #humanity #migrantworkers #worldnews #trendingnews #socialmedia #srilankantamil #tamilmedia #breakingnews #internationalnews #protest #justice #equality #medicalnews #uknews #community #standwithnurses #humanrights