🛌 நீங்கள் எவ்வளவு வேகமாகக் தூங்குகிறீர்கள்? அது உங்கள் ஆரோக்கியம் பற்றிய ரகசியங்களை வெளிப்படுத்தலாம்!

🛑 நிம்மதியான தூக்கம் வேண்டுமா? இதோ மருத்துவ நிபுணர்கள் வழங்கும் முக்கிய ஆலோசனைகள்!

பெரும்பாலான மக்கள் இரவில் தூங்குவதற்குப் சிரமப்படுவதாகக் குறிப்பிடும் அதேவேளை, இன்னும் சிலர் படுக்கையில் படுத்த சில நிமிடங்களிலேயே தூங்கி விடுகின்றனர். நீங்கள் எவ்வளவு விரைவாகத் தூங்குகிறீர்கள் என்பது உங்களது ஆரோக்கியம் குறித்துப் பல விஷயங்களைக் கூற முடியும் என மருத்துவ நிபுணர்கள் தெரிவிக்கின்றனர். அப்படியாயின், தூங்குவதற்கு எடுத்துக் கொள்ளும் சரியான கால அளவு என்ன?

சரியான நேர அளவு எது? ⏱️

“பொதுவாக ஒரு மனிதன் படுக்கைக்குச் சென்று 10 முதல் 20 நிமிடங்களுக்குள் தூங்கிவிட வேண்டும்” என கிளீவ்லேண்ட் கிளினிக்கின் (Cleveland Clinic) நடத்தைசார் நித்திரை மருத்துவ நிபுணர் மிச்செல் ட்ரெரப் (Michelle Drerup) தெரிவித்துள்ளார். இக்கால அளவு நபருக்கு நபர் மாறுபடலாம் என்றும் அவர் குறிப்பிட்டுள்ளார்.

“விரைவாகத் தூங்குவது எப்போதும் நல்லது என்று கூற முடியாது. நீங்கள் படுத்த ஒரு நிமிடத்திற்குள் தூங்கிவிட்டால், அது உங்களது உடலில் உள்ள தூக்கமின்மையையோ அல்லது தூக்கம் தொடர்பான ஏதோவொரு பின்னணிப் பிரச்சினையையோ காட்டுகிறது” என அவர் விளக்கியுள்ளார்.

மிக விரைவாகத் தூங்குவதன் ஆபத்து! 🚨

மிகவும் வேகமாகத் தூங்குவது, உங்களது உடலுக்குத் தேவையான தூக்கம் கிடைக்கவில்லை என்பதையும், உங்களது உடல் கடுமையான சோர்வடைந்துள்ளது என்பதையும் உணர்த்தும் அறிகுறியாகும். உகந்த ஆரோக்கியத்தைப் பேணுவதற்கு ஒரு நாளைக்கு 7 முதல் 9 மணித்தியாலங்கள் தூங்க வேண்டும் என பரிந்துரைக்கப்படுகின்ற போதிலும், பெரும்பாலான மக்கள் அவ்வளவு தூங்குவதில்லை.

பகலில் தூக்கக் கலக்கம், கவனக்குறைவு, மந்தமான உடல் இயக்கம் மற்றும் அடிக்கடி ஏற்படும் மனநிலை மாற்றங்கள் ஆகியவை போதிய தூக்கமின்மையின் அறிகுறிகளாகும். நீண்ட காலத் தூக்கமின்மையானது உடல் பருமன், நீரிழிவு நோய், இருதய நோய்கள் மற்றும் முன்கூட்டிய மரணம் போன்ற பல கடுமையான ஆரோக்கியப் பிரச்சினைகளுக்கு வழிவகுக்கும் என ஹார்வர்ட் மருத்துவப் பள்ளி (Harvard Medical School) எச்சரிக்கிறது.

தூக்கம் வர தாமதமாவது எதனைக் குறிக்கிறது? 🧠❌

அதேவேளை, படுக்கைக்குச் சென்று நீண்ட நேரமாகியும் தூக்கம் வராமல் இருப்பது உங்களது ஒட்டுமொத்த ஆரோக்கியத்திற்கும் தீங்கானதாகும். இது உங்களுக்கு ‘இன்சோம்னியா’ (Insomnia) எனப்படும் தூக்கமின்மை நோய் இருப்பதைக் குறிக்கலாம்.

பொதுவாக மன அழுத்தம் காரணமாகவே இந்தத் தூக்கமின்மைப் பிரச்சினை ஏற்படுகிறது. எனினும், நீண்ட காலத் தூக்கமின்மையானது சுவாசம், இரைப்பை அல்லது நரம்பியல் கோளாறுகள் போன்ற நாள்பட்ட உடல்நலப் பிரச்சினைகளுடன் தொடர்புடையதாக இருக்கலாம் என கலிபோர்னியா பல்கலைக்கழக மருத்துவ மையம் (UCLA Health) தெரிவிக்கிறது.

இது குறித்து ஹென்றி ஃபோர்ட் ஹெல்த் (Henry Ford Health) நிறுவனத்தின் நித்திரை மருத்துவ நிபுணர் டாக்டர் கலேத் அல்மதூன் (Dr. Khaled Almadhoun) கருத்துத் தெரிவிக்கையில்:

“இரவு வேளையில் கால்களில் ஏற்படும் அசதி (Restless leg syndrome), தூக்கத்தின் போது ஏற்படும் சுவாசத் தடை (Sleep apnea), கெட்ட கனவுகள், பதற்றம் அல்லது மனச்சோர்வு போன்றன தூக்கமின்மைக்கு வழிவகுக்கலாம். குறிப்பாக மனச்சோர்வினால் பாதிக்கப்பட்டவர்களுக்குத் தூக்கமின்மை ஏற்படுவதற்கான வாய்ப்பு 2 முதல் 3 மடங்கு அதிகமாகும்” எனக் குறிப்பிட்டுள்ளார்.

அத்துடன், நாள்பட்ட ஆரோக்கியப் பிரச்சினைகளைக் கொண்ட முதியவர்களுக்கும், ஹார்மோன் மாற்றங்கள் காரணமாக பெண்களுக்கும் தூக்கப் பிரச்சினைகள் அதிகமாக ஏற்படுவதாக மிச்சிகன் மெடிசின் (Michigan Medicine) நிறுவனம் தெரிவித்துள்ளது. அமெரிக்க நோய் கட்டுப்பாடு மற்றும் தடுப்பு மையத்தின் (CDC) படி, நாள்பட்ட தூக்கமின்மையானது இருதய நோய், உயர் இரத்த அழுத்தம் மற்றும் நீரிழிவு நோய் போன்ற ஆபத்துகளை அதிகரிக்கும்.

ஆரோக்கியமான தூக்கத்திற்கான எளிய வழிமுறைகள்! 💡🌿

உங்களது தூக்கத்தின் தரத்தை மேம்படுத்த சில வழிமுறைகளைக் கையாளலாம். ஆனால், இவை உடனடித் தீர்வைத் தராது, தொடர்ச்சியான பயிற்சியே அவசியம்:

• திரை உபயோகத்தைத் தவிர்த்தல்: படுக்கைக்குச் செல்வதற்கு குறைந்தது 30 நிமிடங்களுக்கு முன்னராவது கையடக்கத் தொலைபேசி, கணினி போன்ற திரைகளைப் பார்ப்பதைத் தவிர்க்க வேண்டும். இது மூளையை ஓய்வெடுக்கச் செய்யும்.
• அறை சூழல்: தூங்கும் அறையைக் குளிர்ச்சியாகவும் இருட்டாகவும் வைத்திருப்பது தூக்கத்தைக் கெடுக்கும் கவனச்சிதறல்களைக் குறைக்கும்.
• முறையான கால அட்டவணை: தினமும் ஒரே நேரத்தில் தூங்கி, ஒரே நேரத்தில் எழுவதை வழக்கமாக்கிக் கொள்வது உங்களது உடலுக்குத் தூங்கும் நேரத்தை நினைவூட்டும்.

உங்களுக்கு ஒரு வாரத்தில் குறைந்தது மூன்று இரவுகள் வீதம், தொடர்ந்து மூன்று மாதங்களுக்குத் தூங்குவதில் சிக்கல் நீடித்தால், அது நாள்பட்ட தூக்கமின்மையாக இருக்கலாம். “அந்தக் கட்டத்தில், அதற்கான காரணத்தைக் கண்டறிய ஒரு மருத்துவரை அணுகுவது சிறந்தது” என மிச்செல் ட்ரெரப் பரிந்துரைக்கிறார்.

“தூக்கத்தை ஆரோக்கியத்திற்கான முதலீடாகக் கருதுங்கள். இது உங்கள் அன்றாட வாழ்க்கையிலும் ஒட்டுமொத்த ஆரோக்கியத்திலும் பெரும் மாற்றத்தை ஏற்படுத்துகிறது. எனவே, தூக்கத்தைக் குறைத்துக் கொள்வதையோ அல்லது அதற்கான எச்சரிக்கை அறிகுறிகளைப் புறக்கணிப்பதையோ ஒருபோதும் செய்யாதீர்கள்” என்றும் அவர் மேலும் சேர்த்துக் கூறினார்.

#tamilklik #tamil #tamilnews #sleephealth #insomnia #sleepdeprivation #healthtips #clevelandclinic #harvardmedical #wellbeing #mentalhealth #goodsleep #healthylifestyle #sleeptips #medicalnews #srilankatamil #awareness #fitness #worldhealth #habitats #hearthealth #diabetes #lifestylechange #chronicillness #stressrelief #healthyhabits #screentime #dailyhealth #sleepapnea #scienctificfacts