⚽🇲🇦 மொரோக்கோவில் அவசரக் கூட்டம்: மன்னிப்புக் கோரியும் பதவி விலக மறுக்கும் FIFA தலைவர் ஜியானி இன்ஃபான்டினோ! 🏆👑
உலகக் கிண்ணப் போட்டிகளின் பங்குகளை தனியார் முதலீட்டாளர்களுக்கு விற்பனை செய்யும் சர்ச்சைக்குரிய திட்டம் தொடர்பாக சர்வதேச கால்பந்து சம்மேளனத்தின் (FIFA) தலைவர் ஜியானி இன்ஃபான்டினோ (Gianni Infantino) உத்தியோகபூர்வமாக நிபந்தனையற்ற மன்னிப்புக் கோரியுள்ளார். இருப்பினும், தனது தலைவர் பதவியை இராஜினாமா செய்யப் போவதில்லை என்பதில் அவர் தீவிரமாக உள்ளார்.
📌 UEFA எதிர்ப்பு மற்றும் வாக்களிப்பு
உலகக் கிண்ணப் இறுதிப்போட்டி நிறைவடைந்ததைத் தொடர்ந்து, உலகக் கிண்ணப் பங்குகளை தனியார் முதலீட்டாளர்களுக்கு விற்கும் இன்ஃபான்டினோவின் திட்டம் வெளிச்சத்திற்கு வந்தது. இந்தத் திட்டத்திற்கு எதிராக ஐரோப்பிய கால்பந்து சம்மேளனங்களின் ஒன்றியம் (UEFA) கடுமையான எதிர்ப்பை வெளியிட்டது.
இந்தத் திட்டத்தை முன்னெடுத்துச் செல்லக்கூடாது என UEFA வாக்களித்ததைத் தொடர்ந்து, அதற்கான முடிவை FIFAவின் ஆளும் மன்றமும் உறுதிப்படுத்தியது. இதற்கிடையில், எதிர்வரும் மார்ச் மாதம் நடைபெறவுள்ள தலைவர் தேர்தலுக்கான ஆதரவை மீண்டும் திரட்டும் நோக்கில், இன்ஃபான்டினோ மொரோக்கோவில் அவசரக் கூட்டம் ஒன்றை நடத்தியுள்ளார்.
⚠️ அதிகாரப்பூர்வ மன்னிப்பும் FIFAவின் விளக்கமும்
திட்டத்தைக் கைவிட்ட போதிலும் பதவி விலகப்போவதில்லை என்பதைத் தெளிவுபடுத்தியுள்ள இன்ஃபான்டினோ, FIFA பொதுச்செயலாளர் மத்தியாஸ் கிராஃப்ஸ்ட்ரோமுடன் (Mattias Grafstrom) இணைந்து கூட்டாக கடிதம் ஒன்றை வெளியிட்டுள்ளார்.
“இந்த யோசனை ஊடகங்களுக்கு கசிந்த பின்னர் இடம்பெற்ற தவறுகளை நாங்கள் ஒப்புக்கொள்கிறோம். இத்தகைய தவறுகளுக்காக மனப்பூர்வமாக மன்னிப்புக் கேட்பதுடன், இனிமேல் இவை நிகழாது என உறுதியளிக்கிறோம். இதனை மனதில் கொண்டு தேவையான மறுபரிசீலனையை நடத்தி, FIFA கவுன்சிலின் அடுத்த கூட்டத்தில் அறிக்கை சமர்ப்பிக்கப்படும்,” என அக்கடிதத்தில் குறிப்பிடப்பட்டுள்ளது.
மேலும், மத்தியாஸ் கிராஃப்ஸ்ட்ரோம் மற்றும் FIFAவின் மேலாண்மை வாரியம் ஆகியவை இன்ஃபான்டினோவுக்குத் தங்கள் முழு ஆதரவை மீண்டும் உறுதிப்படுத்தியுள்ளன. இத்திட்டம் திரும்பப் பெறப்பட்டுள்ளதால், FIFAவின் நேர்மை மற்றும் நற்பெயருக்குக் களங்கம் விளைவிக்கும் தாக்குதல்களை சகித்துக்கொள்ள முடியாது என்றும் எச்சரிக்கப்பட்டுள்ளது.
📝 லஞ்சக் குற்றச்சாட்டுகளும் ஜோர்டான் எதிர்ப்பும்
அதேவேளை, ரபாத் (Rabat) நகரில் நடைபெற்ற கூட்டம் மிகவும் ஆக்கப்பூர்வமாகவும் நேர்மறையாகவும் அமைந்ததாக FIFA தெரிவித்துள்ளது. எனினும், தனது திட்டத்திற்கு ஆதரவு அளிப்பதற்குப் பதிலாக, ஸ்பெயின் மற்றும் போர்த்துக்கல்லுடன் இணைந்து 2030 உலகக் கிண்ணப் போட்டியை கூட்டாக நடத்தும் மொரோக்கோவிற்கு இறுதிப்போட்டியை நடத்தும் வாய்ப்பை இன்ஃபான்டினோ வழங்கியதாக அதிர்ச்சி தகவல்கள் வெளியாகியுள்ளன.
அத்துடன், உலகக் கிண்ணப் பங்குகளை விற்கும் திட்டத்திற்கு ஆதரவளிக்கும் சம்மேளனங்களுக்கு 30 மில்லியன் பவுண்டுகள் வழங்கப்படும் என்றும், செப்டம்பர் மாதத்திற்குள் சாதகமான பதிலை அளித்தால் ஜனவரி மாதமே ஒரு பகுதி நிதி வழங்கப்படும் என்றும் கூறப்பட்டது. இதனை ஜோர்டான் கால்பந்து சம்மேளனத்தின் தலைவர் இளவரசர் அலி பின் அல் ஹுசைன் (Prince Ali bin Al Hussein) பகிரங்கமாகக் கண்டித்துள்ளார்.
“நாங்கள் ஒழுக்க நெறிமுறைகளைப் பேணுவதில் பெருமை கொள்கிறோம். நாங்கள் அவருக்கு முன்பும் ஆதரவளிக்கவில்லை, இப்போதும் ஆதரவளிக்க மாட்டோம். முழுச் சூழ்நிலையும் ஒரு பிளாக்மெயில் (Blackmail) நடவடிக்கைக்குச் சமமானது,” என அவர் தனது சமூக ஊடகப் பக்கத்தில் பதிவிட்டுள்ளார்.
#GianniInfantino #FIFA #UEFA #FootballNews #WorldCup #PrinceAli #SportsNews #TamilKlik
