🕵️‍♂️🚨🏫 பெற்றோர் செய்யும் போலி முகவரி மோசடி: துப்பறியும் அதிகாரியாக மாறிய பாடசாலை சேர்க்கைப்பகுதிப் பொறுப்பாளர்! 🚨

🕵️‍♂️🚨🏫 150 இடங்களுக்கு 1,300 விண்ணப்பங்கள்: இலண்டனுக்கு அருகில் இலக்கணப் பாடசாலை (Grammar School) இடங்களுக்காக நடக்கும் பாரிய மோசடி அம்பலம்! 🚨🛑 🚗

பிரித்தானியாவில் வாழும் எமது தமிழ் உறவுகளே! உங்களது பிள்ளைகளைச் சிறந்த இலக்கணப் பாடசாலைகளில் (Grammar Schools) சேர்க்க வேண்டும் என்பது உங்களின் ஆகப்பெரிய கனவாக இருக்கலாம். ஆனால், இங்குள்ள சில வசதி படைத்த பெற்றோர், தகுதியான உள்ளூர் பிள்ளைகளின் வாய்ப்புகளைப் பறிக்கும் வகையில் போலி முகவரிகளைப் பயன்படுத்தி மோசடிகளில் ஈடுபட்டு வரும் அதிர்ச்சித் தகவல் வெளியாகியுள்ளது.

பிரித்தானியாவின் பேர்க்சயர் (Berkshire) பகுதியில் அமைந்துள்ள புகழ்பெற்ற ‘ரெடிங் பாடசாலையின்’ (Reading School) சேர்க்கைப்பகுதிப் பொறுப்பாளரான கிரெக் பெயார்சைல்ட் (Greg Fairchild), இவ்வாறான மோசடிப் பெற்றோரை கைகாட்டிப் பிடிப்பதற்காகத் தானே களத்தில் இறங்கி, வீடு வீடாகச் சென்று சோதனை நடத்தும் ஒரு துப்பறியும் அதிகாரியாக மாறியுள்ளார். 🏫

🚗 150 இடங்களுக்கு 1,300 பிள்ளைகள் போட்டி!

வருடத்திற்கு வெறும் 150 இடங்களே உள்ள இந்த வரலாற்றுச் சிறப்புமிக்க 900 வருடங்கள் பழமையான ஆண்கள் பாடசாலைக்கு, சுமார் 1,300 பிள்ளைகள் வரை விண்ணப்பிக்கின்றனர். இதனால், எப்படியாவது தங்களது பிள்ளைகளுக்கு இடத்தைப்பெற வேண்டும் என்பதற்காக, பாடசாலையின் எல்லைக்குட்பட்ட பகுதிகளில் (Catchy Area) வசிப்பதாகச் சிலர் போலி முகவரிகளைக் காட்டி ஏமாற்றுகின்றனர்.

இதனைக் கண்டுபிடிப்பதற்காக, கிரெக் பெயார்சைல்ட் அவர்கள் றேடிங் பகுதி முழுவதும் தானே காரில் பயணித்து, சந்தேகத்திற்குரிய முகவரிகளுக்கு நேரில் சென்று சோதனை நடத்தி வருகின்றார். 🔍

🚪 கதவைத் தட்டியபோது வெளிவந்த திடுக்கிடும் உண்மைகள்!

இது குறித்து அவர் ‘தி மெயில் ஒன் சண்டே’ (The Mail on Sunday) இதழுக்குத் தெரிவிக்கும்போது:

“நாங்கள் சந்தேகத்திற்குரிய ஒரு வீட்டின் கதவைத் தட்டி, அங்கு வாழும் 10 வயது சிறுவனைப் பார்க்க வேண்டும் எனக் கேட்டபோது, ‘இங்கு அப்படியொரு சிறுவன் வாழவே இல்லை’ என அங்கிருந்தவர்கள் கூறினர். பின்னர் விசாரித்தபோது, அவர்கள் அந்த வீட்டின் வாடகைக்கு குடியிருப்பாளர்கள் என்பதும், வீட்டின் உரிமையாளர் (Landlord) அங்கு வாழ்வதே இல்லை என்பதும் தெரியவந்தது. ஆனால், அந்த உரிமையாளர் தனது கடிதங்களை மட்டும் இந்த முகவரிக்கு வரவழைத்து, இதனை ஒரு ‘வசதியான போலி முகவரியாக’ (Address of Convenience) பாடசாலை விண்ணப்பத்திற்குப் பயன்படுத்தியுள்ளார்.”

மேலும் சில சந்தர்ப்பங்களில், தங்களது அத்தை அல்லது உறவினர்களின் வீட்டு முகவரிகளைப் பயன்படுத்திப் பெற்றோர் மோசடி செய்துள்ளமையும் கண்டுபிடிக்கப்பட்டுள்ளது. ⚠️

📉 உள்ளூர் பிள்ளைகளின் வாய்ப்புகளைப் பறிக்கும் ‘தேர்வுச் சுற்றுலா’ (Test Tourism)!

கடந்த மே மாத அரைப்பருவ விடுமுறைக்கு (Half-term) முன்னர், மோசடி என சந்தேகிக்கப்பட்ட முகவரிகளைச் சரிபார்க்க கிரெக் பெயார்சைல்ட் ஒரு நாள் முழுவதும் காரில் சுற்றித் திரிந்துள்ளார். கடந்தகால சேர்க்கை விபரங்களை ஆராய்ந்து, மோசடி செய்யக்கூடிய முகவரிகளின் பட்டியலைத் தயாரித்துச் சென்ற அவர், ‘ஏராளமான’ பெற்றோர் மைல் கணக்கிற்கு அப்பால் வசித்துக்கொண்டு, உள்ளூர் பிள்ளைகளின் முறையான வாய்ப்புகளைப் பறிப்பதைக் கண்டுபிடித்துள்ளார். 🛑

பிள்ளைகள் பாடசாலையில் சேர்ந்து பழகிய பின்னர், பெற்றோரின் இந்த நேர்மையற்ற செயலுக்காக அவர்களைப் பாடசாலையை விட்டு நீக்குவது மிகவும் கடினமான காரியம் என்பதால், சேர்க்கைக்கு முன்னரே இவற்றைத் தடுப்பது அவசியமாகிறது.

அதுமட்டுமன்றி, தற்போது பிரித்தானியா முழுவதும் ‘தேர்வுச் சுற்றுலா’ (Test Tourism) என்ற புதியதொரு பிரச்சினையும் உருவெடுத்துள்ளது. நாட்டின் பல பாகங்களிலிருந்தும் நூற்றுக்கணக்கான பெற்றோர் இவ்வாறான பாடசாலைகளுக்குத் சும்மா தேர்வு எழுத விண்ணப்பிப்பதால், சேர்க்கை தரவுகள் குழப்பமடைவதோடு, பாடசாலைக்கு ஆயிரக்கணக்கான பவுண்டுகள் வீண் செலவும் ஏற்படுகின்றது. 💸

🗣️ நேர்மையான சேர்க்கை முறைமைக்கு விடுக்கப்பட்டுள்ள எச்சரிக்கை!

இது குறித்து அவர் மேலும் தெரிவிக்கையில்:

“இவ்வாறான போலி முகவரிகள் மற்றும் தேர்வுச் சுற்றுலா போன்றவற்றால் ஒட்டுமொத்த சேர்க்கை செயல்முறையும் சீர்குலைக்கப்படுகின்றது. எமது உள்ளூர் சமூகத்தைச் சேர்ந்த தகுதியான பிள்ளைகளுக்காகப் பயன்படுத்தப்பட வேண்டிய எமது வளங்கள், இவ்வாறான மோசடிகளைக் கண்டுபிடிப்பதற்கே வீணடிக்கப்படுகின்றன. இது ஒரு நியாயமான மற்றும் வெளிப்படையான சேர்க்கை முறையைத் தடுக்கின்றது” என வருத்தத்துடன் தெரிவித்துள்ளார்.

📣 எமது தமிழ் உறவுகளுக்கான அன்பான வேண்டுகோள்!

பிரித்தானியாவில் வாழும் எமது தமிழ் பெற்றோர், தங்களது பிள்ளைகளின் கல்விக்காகப் பாடுபடுவது பாராட்டுக்குரியது. எனினும், இவ்வாறான விதிமுறை மீறல்களிலோ அல்லது போலி முகவரிப் பயன்பாடுகளிலோ ஈடுபட்டு, பிள்ளைகளின் எதிர்காலத்திற்குப் பாதிப்பை ஏற்படுத்த வேண்டாம் என அன்போடு கேட்டுக்கொள்கிறோம். நேர்மையான வழியில் எமது பிள்ளைகளை வழிநடத்துவோம்! 👍

#tamilklik #tamil #tamilnews #uktamils #grammarschool #ukeducation #readingschool #berkshire #londonnews #uklife #tamilsinuk #lankantamil #ukschools #schooladmissions #addressfraud #uktamilcommunity #londontamils #uknews #educationalalert #britishtamils #pennynews #fraudawareness #tamilsocialmedia #parentinguk #uktamilans #schoolcatchment #ukliving #tamilinfomedia #educationalnews #parentingtips