🚨 சமாதான உடன்படிக்கை மற்றும் கப்பல் போக்குவரத்தை வழமைக்குக் கொண்டுவர அமெரிக்கா – ஈரான் இடையே டோஹாவில் விசேட தொழில்நுட்பப் பேச்சுவார்த்தை!

பொருளாதார நெருக்கடியும் போர் நிறுத்தமும்: டோஹாவில் ஆரம்பமாகியுள்ள அமெரிக்க – ஈரான் மறைமுகப் பேச்சுவார்த்தைகள்! 🇶🇦🇺🇸

ஹோர்முஸ் நீரிணை (Strait of Hormuz) ஊடான கப்பல் போக்குவரத்தை ஒழுங்குபடுத்துவது மற்றும் ஒரு நிரந்தர போர் நிறுத்தத்தை எட்டுவது தொடர்பாக, அமெரிக்காவும் ஈரானும் கட்டார் (Qatar) நாட்டின் டோஹா நகரில் புதன்பிழமை அன்று மறைமுகத் தொழில்நுட்பப் பேச்சுவார்த்தைகளை (Indirect Technical Talks) நடத்தியுள்ளன. இத்தகவலை இப்பேச்சுவார்த்தை குறித்து நேரடித் தொடர்புகளைக் கொண்ட உத்தியோகபூர்வ வட்டாரங்களும் ஈரானிய அதிகாரியொருவரும் உறுதிப்படுத்தியுள்ளனர். 📉🛑

இடைக்கால உடன்படிக்கை

கடந்த பெப்ரவரி மாதம் ஈரானுக்கு எதிராக அமெரிக்க மற்றும் இஸ்ரேல் நடத்திய கூட்டுத் தாக்குதல்களுடன் ஆரம்பித்த போரை நிறுத்துவதற்கும், ஹோர்முஸ் நீரிணையை மீண்டும் திறப்பதற்கும் கடந்த மாதம் ஒரு 14 அம்ச இடைக்கால உடன்படிக்கை (Interim Accord) கையெழுத்திடப்பட்டது. அதன் அடிப்படையில், நிரந்தர சமாதான உடன்படிக்கைக்கான 60 நாட்களைக் கொண்ட பேச்சுவார்த்தையின் ஒரு அங்கமாகவே தற்போதைய டோஹா சந்திப்பு இடம்பெற்று வருகின்றது.

இருப்பினும், இந்த உடன்படிக்கையின் விளக்கங்கள் குறித்து அமெரிக்காவும் ஈரானும் பகிரங்கமாக மோதிக்கொண்டதுடன், கடந்த வாரம் இரு நாடுகளுக்கும் இடையே பழிக்குப்பழி தாக்குதல்களும் இடம்பெற்றன. இதனால் ஈரானின் அணுசக்தித் திட்டம் போன்ற மிகவும் சிக்கலான விவகாரங்களில் முன்னேற்றம் ஏற்படுவதற்கான அறிகுறிகள் குறைவாகவே தென்படுகின்றன. 😰⚠️

ஹோர்முஸ் நீரிணை மீதான ஈரானின் பிடிவாதம்

ஹோர்முஸ் நீரிணை மீதான தனது கட்டுப்பாட்டையும், வளைகுடாப் பகுதிக்குள் நுழையும் அல்லது வெளியேறும் கப்பல்களுக்குக் கட்டணம் விதிக்கும் தனது அதிகாரத்தையும் சர்வதேச ரீதியாக அங்கீகரிக்கச் செய்ய வேண்டும் என்பதில் ஈரான் உறுதியாக உள்ளது. தேவைப்படின் இதற்காக இராணுவ பலத்தைப் பயன்படுத்தவும் அது தயாராக இருப்பதாக ஈரானிய உயர்மட்ட வட்டாரங்கள் தெரிவிக்கின்றன.

போர் தொடங்கமுன்னர் உலகளாவிய கச்சா எண்ணெய் மற்றும் திரவமாக்கப்பட்ட இயற்கை எரிவாயு (LNG) வர்த்தகத்தின் ஐந்தில் ஒரு பகுதியை கையாண்ட இந்த முக்கிய நீரிணையில், தற்பொழுது கப்பல் போக்குவரத்து பகுதியளவில் மீண்டும் ஆரம்பமாகியுள்ளது. 🚢⛽

அதிபர் டொனால்ட் ட்ரம்பின் கருத்து

ஈரானின் செறிவூட்டப்பட்ட உரேனியத்தை அகற்றுவதே தனது முதன்மை நோக்கம் எனக் குறிப்பிட்டுள்ள அமெரிக்க அதிபர் டொனால்ட் ட்ரம்பு (Donald Trump), “ஈரானின் அணு ஆயுத ஒழிப்பு நடவடிக்கைகள் சிறப்பாக நகர்கின்றன” எனப் புதன்கிழமை செய்தியாளர்களிடம் தெரிவித்தார். எனினும், டோஹாவில் அணுசக்தி விவகாரம் குறித்து இதுவரை விவாதிக்கப்பட்டதற்கான எந்தவொரு ஆதாரமும் இல்லை என்பது குறிப்பிடத்தக்கது. 🏛️🇺🇸

முடக்கப்பட்டுள்ள சொத்துக்களும் கப்பல் போக்குவரத்தும்

கட்டார் மற்றும் பாகிஸ்தான் ஆகிய நாடுகளின் மத்தியஸ்தத்துடன் செவ்வாய்க்கிழமை இரவு ஆரம்பமான இப்பேச்சுவார்த்தைகள் புதிழமையும் தொடர்ந்தன. அதிபர் ட்ரம்பின் மருமகன் ஜாரெட் குஷ்னர் (Jared Kushner) மற்றும் தூதுவர் ஸ்டீவ் விட்கோஃப் (Steve Witkoff) ஆகியோர் பேச்சுவார்த்தைக்கான பூர்வாங்க ஏற்பாடுகளைச் செய்ய கட்டார் பிரதமரைச் சந்தித்த போதிலும், அவர்கள் நேரடிப் பேச்சுவார்த்தைகளில் கலந்துகொள்ளவில்லை.

ஈரானின் வெளியுறவுத்துறை பிரதி அமைச்சர் காசிம் காரிபாபாடி (Kazem Gharibabadi) தலைமையிலான குழுவினர் மத்தியஸ்தர்களுடன் பேச்சுவார்த்தை நடத்தி வருகின்றனர். முடக்கப்பட்டுள்ள ஈரானின் 6 பில்லியன் டொலர் சொத்துக்களை விடுவிப்பது மற்றும் நீரிணை மேலாண்மை ஆகியவையே ஈரானின் முக்கிய கோரிக்கைகளாக உள்ளன. அதேநேரம், ஹோர்முஸ் நீரிணை ஊடாக தடையற்ற கப்பல் போக்குவரத்தை உறுதி செய்வதே அமெரிக்காவின் முதன்மை நோக்கமாகும். 🏢🚨

லெபனான் மீதான இராஜதந்திர நகர்வுகள்

இந்த யுத்தமானது அமெரிக்க இராணுவத் தளங்களைக் கொண்டுள்ள வளைகுடா நாடுகளின் மீதான ஈரானின் தாக்குதல்களுக்கு வழிவகுத்ததுடன், ஈரான் மற்றும் லெபனானில் (Lebanon) ஆயிரக்கணக்கான மக்களின் உயிரிழப்புகளுக்கும் காரணமானது. அத்துடன் உலகளவில் எண்ணெய் விலையையும் கணிசமாக உயர்த்தியிருந்தது.

வரவிருக்கும் நவம்பர் மாத இடைக்காலத் தேர்தலுக்கு (Midterm Elections) முன்னர் இந்த யுத்தத்தினால் ஏற்பட்டுள்ள பொருளாதாரப் பாதிப்புகளைக் கட்டுப்படுத்த வேண்டிய கட்டாயத்தில் அதிபர் ட்ரம்ப உள்ளார். மறுபுறம், ஈரானின் ஆன்மீகத் தலைமைப் பீடம் போரிலிருந்து தப்பிய போதிலும், நாட்டின் வீழ்ச்சியடைந்துள்ள பொருளாதாரம் காரணமாக உள்நாட்டு மக்களின் கடும் கோபத்திற்கு ஆளாகியுள்ளது. இதற்கிடையில், புதன்கிழமை அன்று கச்சா எண்ணெய் விலை ஒரு பேரல் 69 டொலருக்கும் கீழ் சரிவடைந்துள்ளது. 🙅‍♂️❌

அமெரிக்கா மற்றும் ஈரான் இடையிலான இந்த இடைக்கால உடன்படிக்கையானது லெபனானில் நிலவும் மோதல்களையும் முடிவுக்குக் கொண்டுவரும் என எதிர்பார்க்கப்படுகின்றது. இஸ்ரேல் மற்றும் லெபனான் அரசாங்கத்திற்கு இடையிலான பேச்சுவார்த்தைகளை அமெரிக்கா ஆதரித்து வரும் வேளையில், லெபனானில் தீவிரமாகச் செயற்படும் ஹெஸ்புல்லா (Hezbollah) அமைப்பு இந்த பாதுகாப்பு உடன்படிக்கைக் கட்டமைப்பை நிராகரித்துள்ளது குறிப்பிடத்தக்கது. 🇬🇧

#tamilklik #tamil #tamilnews #USA #Iran #StraitofHormuz #DohaTalks #DonaldTrump #PeaceDeal #GlobalEconomy #OilPrices #MiddleEastUpdates #InternationalNews #SriLankanTamil #WorldNews #ShippingRestart #QatarMediation #Geopolitics #Ceasefire #NuclearProgram #LebanonConflict #Hezbollah #MidtermElections #ForeignPolicy #BreakingNews #DailyNews #EconomicCrisis #GulfRegion #Diplomacy