📱🛡️ “அறியாத எண்களில் இருந்து வரும் மோசடிச் செய்திகளை இனங்காணும் வட்ஸ்அப்!” – புதிய ‘Scam Alert’ வசதியின் பின்னணி! 📱
வட்ஸ்அப் (WhatsApp) செயலியில் பயனர்களை ஏமாற்றும் நிதிசார் மற்றும் தனிநபர் தரவு மோசடிகளைத் தடுப்பதற்காக, ‘ஸ்காம் அலேர்ட்’ (Scam Alert) எனும் புதிய செயற்கை நுண்ணறிவு (AI) சார்ந்த பாதுகாப்பு வசதியை மெற்றா (Meta) நிறுவனம் அறிமுகப்படுத்துகிறது.
தொடர்புப் பட்டியலில் (Contacts) இல்லாத அறிமுகமில்லாத எண்களிலிருந்து வரும் குறுஞ்செய்திகளை ஆய்வு செய்து, அவை மோசடி நோக்கம் கொண்டவையா என்பதைக் கண்டறிவதே இதன் முக்கிய நோக்கமாகும்.
🤖 செயற்கை நுண்ணறிவு (AI) எவ்வாறு மோசடியைக் கண்டறியும்?
இப் புதிய வசதி குறுஞ்செய்திகளின் ‘உரையாடல் அமைப்பு மற்றும் மொழியியல் சமிக்சைகளை’ (Conversational structure and linguistic signals) ஏஐ நுட்பத்தின் மூலம் பகுப்பாய்வு செய்கிறது:
- ⚠️ சுயாதீன எச்சரிக்கை: ஒரு குறுஞ்செய்தி மோசடியாக இருக்கக்கூடும் என வட்ஸ்அப் கருத்தில்கொண்டால், அது குறித்த எச்சரிக்கை அறிவிப்புச் செய்தி (Warning) பயனரின் சாட் உரையாடலில் காண்பிக்கப்படும். இந்த எச்சரிக்கை எதிரே இருக்கும் நபருக்குத் தெரியாது.
- 🛑 பிளொக் செய்யும் வசதி: எச்சரிக்கையைப் பார்த்த பிறகு, பயனர் குறித்த கணக்கை உடனடியாக பிளொக் (Block) செய்யவோ, அறிக்கை (Report) செய்யவோ அல்லது வழமை போல உரையாடலைத் தொடரவோ முடியும்.
🔒 தனிநபர் தரவுப் பாதுகாப்பு மற்றும் தொழினுட்பச் செயற்பாடு:
பயனர்களின் உரையாடல் ரகசியத்தன்மைக்கு (Privacy) எவ்விதப் பாதிப்பும் ஏற்படாத வகையில் இத் தொழினுட்பம் வடிவமைப்பு செய்யப்பட்டுள்ளது:
- 📲 சாதனத்திலேயே இயங்கும் ஏஐ (On-Device Model): இப் புதிய வசதியை பயனர்கள் கைமுறையாகச் (Manually) செயற்படுத்த வேண்டும். செயற்படுத்தியவுடன், மெஷின் லேனிங் (Machine Learning) மாதிரி சாதனத்தில் பதிவிறக்கப்பட்டு, தொலைபேசியினுள்ளேயே (On-device) செய்திகள் பரிசோதிக்கப்படும்.
- 🔐 மூன்றாம் தரப்பினருக்குத் தகவல்கள் செல்லாது: உங்களின் உரையாடல்கள் எந்தவொரு கட்டத்திலும் வட்ஸ்அப் நிறுவனத்திற்கோ அல்லது வேறு எந்த மூன்றாம் தரப்பினருக்கோ அனுப்பப்பட மாட்டாது என மெற்றா நிறுவனம் உறுதியளித்துள்ளது.
- 📊 தரவுத் தொகுப்பு: பயனர்களால் ஏற்கனவே மோசடி என அறிக்கை செய்யப்பட்ட (Reported) உரையாடல்களைக் கொண்டே இந்த ஏஐ கட்டமைப்பு உருவாக்கப்பட்டுள்ளது.
⚙️ தற்போது பரிசோதனை முயற்சியில் (Beta Version):
இப் புதிய அம்சம் தற்போது தெரிவு செய்யப்பட்ட பீட்டா (Beta) பயனர்களுக்கு மட்டும் முதற்கட்டமாக வழங்கப்பட்டு வருகிறது. கணினியியல் ஆய்வாளர்கள் மூலம் இத் தொழினுட்பத்தில் உள்ள குறைபாடுகளைக் கண்டறிந்து, கணினியை முழுமையான அழுத்தப் பரிசோதனைக்கு (Stress-test) உட்படுத்திய பின்னரே, உலகளாவிய ரீதியில் அனைத்து வட்ஸ்அப் பயனர்களுக்கும் இச் சேவை முழுமையாகக் கிடைக்கப்பெறும்.
#WhatsApp #ScamAlert #Meta #AITechnology #CyberSecurity #TechNews #TamilKlik
