ஊசிக்கு மாற்று வழி! பிரித்தானியாவை ஆக்கிரமிக்கும் புதிய உடல் எடைக் குறைப்பு மாத்திரை: பெரும் வரவேற்பும் எச்சரிக்கைகளும்! 📉⚠️ 🇬🇧💊
புதிய மாத்திரையின் வருகை 💊
உடல் எடையைக் குறைப்பதற்காகப் பயன்படுத்தப்படும் ‘செமகுளுட்டைட்’ (Semaglutide) எனும் ஊசி மருந்துக்கு மாற்றாக, தினமும் ஒரு வேளை உட்கொள்ளக்கூடிய ‘விகோவி’ (Wegovy) மாத்திரைகள் இப்போது பிரித்தானியாவில் விற்பனைக்கு வந்துள்ளன. கடந்த மாதம் பிரித்தானிய மருந்து மற்றும் சுகாதாரப் பொருட்கள் ஒழுங்குமுறை முகமையகத்தினால் (MHRA) இந்த மாத்திரைக்கு அனுமதி வழங்கப்பட்ட போதே, மக்கள் மத்தியில் இதற்கான எதிர்பார்ப்பு பெருமளவில் காணப்பட்டது.
தனியார் மருந்தகங்களில் விற்பனை 🛍️
இந்த மாத்திரை இன்னும் பிரித்தானிய தேசிய சுகாதார சேவையில் (NHS) சேர்க்கப்படவில்லை. எனினும், ‘பூட்ஸ் இணையவழி மருத்துவர்’ (Boots Online Doctor) போன்ற தனியார் தளங்களில், ஆரம்ப அளவான 1.5 மில்லிகிராம் (mg) மாத்திரைகள் 99 பவுண்ட்ஸ் (Stg. £99) தொடக்க விலையில் கிடைக்கின்றன. ஜூலை 12 ஆம் திகதி முதல் இவை மருந்தகக் கடைகளிலும் நேரடியாக விற்பனைக்கு வரவுள்ளன. ஆலோசனைகளைப் பெற்றுக்கொண்டவர்களில் மூன்றில் இரண்டு பங்கினர், முதன்முறையாக இவ்வாறான எடைக் குறைப்பு மருந்துகளைப் பயன்படுத்துபவர்கள் எனத் தெரியவந்துள்ளது.
அதிவேகமாக அதிகரிக்கும் கேள்வி 📈
இந்த மாத்திரைகளுக்கான தேவை சந்தையில் மிகத் தீவிரமாக உயர்ந்து வருகின்றது. ‘சிம்பில் இணையவழி சுகாதாரச் சேவை’ (Simple Online Healthcare) மருந்தகம், வெறும் 24 மணித்தியாலங்களுக்குள் 60,000 க்கும் மேற்பட்ட வாடிக்கையாளர்கள் இந்த மாத்திரையை வாங்குவதற்காகப் பதிவு செய்துள்ளதாகத் தெரிவித்துளது. ‘சுப்பர்டிரக் இணையவழி மருத்துவர்’ (Superdrug Online Doctor) தளத்திலும் இதே காலப்பகுதியில் பதிவுகள் 130 வீதத்தால் அதிகரித்துள்ளன. அதேபோல், ‘கெமிஸ்ட் ஃபோர் யூ’ (Chemist4U) மருந்தகத்தில் ஏற்கனவே 10,000 க்கும் மேற்பட்டோர் காத்திருப்புப் பட்டியலில் உள்ளனர். பிரித்தானியாவில் மாத்திரை வடிவில் அனுமதிக்கப்பட்ட முதலாவது உடல் எடை முகாமைத்துவ சிகிச்சை இதுவாகும்.
ஊசி தேவையில்லை! 💉❌
இந்த மாத்திரையைப் பயன்படுத்துவதற்கு ஊசிகள் தேவையில்லை. அத்துடன், இது ஊசி மருந்தைப் போன்றே 14 வீதக் குறைபாடற்ற பலனைத் தருகின்றது. சராசரியாக 64 வார காலப்பகுதியில் பயனர் ஒருவரின் உடல் எடையில் 14 வீதத்தை இது குறைக்கின்றது.
இது குறித்து மருந்தாளர் தோருன் கோவிந்த் (Thorrun Govind) கருத்துத் தெரிவிக்கையில், “சிலருக்குத் தமக்குத் தாமே ஊசி செலுத்திக்கொள்வது ஒரு பெரிய தடையாக இருக்கும். மாத்திரை வடிவம் பயத்தைக் குறைக்கும். ஊசி குறித்து பயப்படுபவர்கள் அனைவருக்கும் இது ஒரு சிறந்த மாற்றாக அமையும்” என்று குறிப்பிட்டுள்ளார்.
மாத்திரைகளின் விலை விபரம் 💰
இங்கிலாந்தில் 2024 ஆம் ஆண்டு கணக்கெடுப்பின்படி, 18 வயதிற்கு மேற்பட்டவர்களில் 64.5 வீதமானோர் அதிக உடல் எடை அல்லது பருமனான உடலமைப்பைக் கொண்டுள்ளனர். தற்போதைக்கு இவை தனியார் மருத்துவர்களின் பரிந்துரைச் சீட்டுகள் மூலம் மட்டுமே கிடைக்கும். ‘நைஸ்’ (NICE) அமைப்பின் ஒப்புதல் கிடைத்த பின்னரே தேசிய சுகாதார சேவையின் (NHS) ஊடாக இது இலவசமாக வழங்கப்படும்.
‘பூட்ஸ்’ நிறுவனத்தின்படி, மாத்திரையின் அளவு அதிகரிக்கும் போது விலையும் அதிகரிக்கும்:
- 1.5 மில்லிகிராம் (mg) – 99 பவுண்ட்ஸ் (£99) [புதிய வாடிக்கையாளர்களுக்கு சலுகைக் குறியீடு மூலம் 79 பவுண்ட்ஸ்]
- 4 மில்லிகிராம் (mg) – 119 பவுண்ட்ஸ் (£119)
- 9 மில்லிகிராம் (mg) – 149 பவுண்ட்ஸ் (£149)
- 25 மில்லிகிராம் (mg) – 229 பவுண்ட்ஸ் (£229)
எழும் புதிய சமூகப் பிரச்சினைகள் ⚠️
உடல் எடையைக் குறைப்பது நேர்மறையான ஒன்றாகப் பார்க்கப்பட்டாலும், இதனால் சில சிக்கல்களும் ஏற்படுகின்றன. குறிப்பாக, இது ‘உடல் தோற்றம்’ (Body image) குறித்த தவறான கற்பிதங்களைச் சமூகத்தில் உருவாக்குகின்றது.
இது குறித்து மருத்துவ ஆலோசகர் டாக்டர் சுசான் வைலி (Dr Suzanne Wylie) கூறுகையில், இவ்வாறான எடைக் குறைப்பு முறைகள் ‘ஒல்லியான உடலமைப்பு’ என்பதற்கான தராதரத்தை மாற்றி அமைத்துள்ளதாக எச்சரித்துள்ளார். இது இயற்கையாகவே ஒல்லியாக இருக்கும் பெண்களையும் இன்னும் ஒல்லியாக மாற வேண்டும் என்ற மன உளைச்சலுக்கு ஆளாக்குகின்றது. டிக் டொக் (TikTok) போன்ற சமூக ஊடகங்களில் இளம் பெண்கள் தங்களை ‘ஸ்கினி ஃபேட்’ (Skinny Fat) எனக் கூறிக்கொண்டு, தவறான உணவுப் பழக்கவழக்கங்களுக்கு (Anorexia or Bulimia) ஆளாகும் அபாயம் அதிகரித்துள்ளதாக அவர் சுட்டிக்காட்டியுள்ளார்.
மாத்திரையை எவ்வாறு உட்கொள்வது? 🥛
இந்த மாத்திரைகளை ஊசிகளைப் போல குளிரூட்டியில் (Fridge) வைக்கத் தேவையில்லை.
- ஆரம்பத்தில் தினமும் 1.5 மிகிராம் வீதம் ஆரம்பித்து, பின்னர் படிப்படியாக 4 மிகிராம், 9 மிகிராம் மற்றும் 25 மிகிராம் வரை அதிகரிக்கப்படும்.
- குறைந்தது 8 மணித்தியாலங்கள் உணவேதும் உட்கொள்ளாத வெறும் வயிற்றில், ஒரு மடக்கு நீருடன் முழுமையாக விழுங்க வேண்டும்.
- மாத்திரையை உட்கொண்ட பின் 30 நிமிடங்களுக்கு உணவோ அல்லது பானங்களோ உட்கொள்ளக் கூடாது. தவறினால் மருந்தின் வீரியம் குறைவடையும்.
- குமட்டல், வயிற்றுப்போக்கு, மலச்சிக்கல் மற்றும் வாந்தி போன்ற பக்கவிளைவுகள் ஆரம்பத்தில் ஏற்படலாம்.
கள்ளச்சந்தை ஆபத்து (Black Market) 🚨🏴☠️
இந்த மாத்திரைகள் அறிமுகமானதைத் தொடர்ந்து கள்ளச்சந்தையில் போலி மாத்திரைகள் பரவும் அபாயம் அதிகரித்துள்ளதாக மருந்தாளர் தோருன் கோவிந்த் கவலை வெளியிட்டுள்ளார். கடந்த ஐந்து வருடங்களில் 57 மில்லியன் பவுண்ட்ஸ் பெறுமதியான அங்கீகாரமற்ற மருந்துகள் பிரித்தானிய அதிகாரிகளால் பறிமுதல் செய்யப்பட்டுள்ளன.
ஊசி மருந்துகளைப் போலியாகத் தயாரிப்பது கடினம். ஆனால், மாத்திரைகளை மிக இலகுவாகப் போலியாகத் தயாரித்து, எடைக் குறைக்க நினைக்கும் அப்பாவிகளை ஏமாற்றக் கள்ளச்சந்தைக் கும்பல்கள் முற்படலாம் என்பதால், பொதுமக்கள் விழிப்புடன் இருக்குமாறு எச்சரிக்கப்பட்டுள்ளனர். 🌐💊
#tamilklik #tamil #tamilnews #wegovy #weightloss #uknews #healthupdate #obesity #bootsuk #mhra #slimmingpill #medicalnews #ukhealth #pharmacy #weightmanagement #healthylifestyle #fitness #bodyimage #selfcare #brentcrude #breakingnews #worldnews #dailypill #healthcare #medicines #healthtrends #uklife #wellness #clinicaladvice #livenews
