📱 சட்டவிரோதமாகக் குடியேறியவர்களுக்கு இலவச சிம் கார்டுகள்: வோடஃபோன் நிறுவனத்திற்கு ‘ரிஃபோர்ம் யூகே’ கட்சி கடுமையான எச்சரிக்கை! 🇬🇧

🇬🇧📱⚠️ “இயக்குநர்கள் சிறைக்குச் செல்ல நேரிடும்!” – வோடஃபோன் தலைமை அதிகாரிகளுக்கு ரிஃபார்ம் யூகே திறந்த மடல்! 🇬🇧

பிரித்தானியாவுக்குச் சிறிய படகுகள் மூலம் சட்டவிரோதமாகக் குடியேறும் அகதிகளுக்கு இலவச சிம் கார்டுகளை வழங்கியதாகக் கூறி, நாட்டின் முன்னணி தொலைத்தொடர்பு நிறுவனமான வோடஃபோன் (Vodafone) மீது ‘ரிஃபோர்ம் யூகே’ (Reform UK) கட்சி கடுமையான குற்றச்சாட்டுகளை முன்வைத்துள்ளதுடன், எச்சரிக்கையையும் விடுத்துள்ளது.

‘Care4Calais’ என்ற அகதிகள் தொண்டு நிறுவனத்திற்கு வோடஃபோன் நிறுவனம் 6 மாத காலத்திற்கு இலவச தரவு (Data), அழைப்புகள் மற்றும் குறுஞ்செய்திகளுடன் கூடிய 2,500 சிம் கார்டுகளை வழங்கியுள்ளது. இதில் பெரும்பாலான சிம் கார்டுகள் எசெக்ஸ் (Essex) பகுதியில் உள்ள ‘வெதர்ஸ்ஃபீல்ட்’ (Wethersfield) அகதிகள் முகாமில் தங்கியுள்ளவர்களுக்கு விநியோகிக்கப்பட்டுள்ளதாகத் தெரியவந்துள்ளது.

⚠️ “வோடஃபோன் அதிகாரிகள் சிறைக்குச் செல்ல நேரிடும்!” – ஜியா யூசுஃப் எச்சரிக்கை:

ரிஃபோர்ம் யூகே கட்சியின் உள்துறை பேச்சாளர் ஜியா யூசுஃப் (Zia Yusuf), வோடஃபோன் நிறுவனத்தின் தலைமை நிர்வாக அதிகாரி மார்கெரிட்டா டெல்லா வால்லேவுக்கு (Margherita Della Valle) எழுதியுள்ள அவசரக் கடிதத்தில் பின்வருமாறு குறிப்பிட்டுள்ளார்:

“பிரித்தானியாவிற்குள் முறையான ஆவணங்களின்றி நுழையும் இராணுவ வயதுடைய ஆண்களுக்கு ஒரு புகழ்பெற்ற நிறுவனம் உதவி செய்வது வோடஃபோனின் வாடிக்கையாளர்களுக்கு அதிர்ச்சியளிக்கும். ரிஃபார்ம் யூகே ஆட்சிக்கு வந்தால், சட்டவிரோதக் குடியேற்றத்திற்குத் துணைபோகும் நிறுவனங்களின் இயக்குநர்கள் மீது குற்றவியல் நடவடிக்கை எடுக்கப்பட்டு சிறையில் அடைக்கப்படுவர். மேலும், அரசாங்கத்தின் பாதுகாப்பு மற்றும் அவசரக்காலத் துறை ஒப்பந்தங்களிலிருந்து வோடஃபோன் முழுமையாக நீக்கப்படும்.”

🛡️ வோடஃபோன் மற்றும் தொண்டு நிறுவனத்தின் விளக்கம்:

இந்தக் குற்றச்சாட்டுகளுக்குப் பதிலளித்துள்ள வோடஃபோன் மற்றும் Care4Calais ஆகிய அமைப்புகள், சிம் கார்டுகள் பிரான்ஸ் கரைகளில் வழங்கப்படவில்லை என்றும், பிரித்தானியாவுக்குள் வந்தடைந்த ஆதரவற்ற மற்றும் விளிம்புநிலை மக்களுக்கு உதவும் நோக்கில் ‘Charities Connected’ என்ற தொண்டுத் திட்டத்தின் மூலமே இவை வழங்கப்பட்டதாகவும் தெரிவித்துள்ளன.

• 📱 உள்நாட்டுப் பயன்பாடு மட்டும்: இந்தச் சிம் கார்டுகளில் உள்ள இலவசச் சேவைகள் அனைத்தும் பிரித்தானிய எல்லைக்குள் மட்டுமே பயன்படுத்தப்பட முடியும்.
• 🤝 குடும்பத்தினருடன் தொடர்பு கொள்ள உதவி: புகலிடம் கோருபவர்கள் தங்கள் குடும்பத்தினர், நண்பர்கள் மற்றும் தங்களுக்குத் தேவையான சட்ட உதவிகளைப் பெறத் தொடர்புகொள்ளவே இந்தச் சிம் கார்டுகள் வழங்கப்பட்டதாக Care4Calais அமைப்பு விளக்கம் அளித்துள்ளது.

#UKNews #Vodafone #ReformUK #Care4Calais #UKImmigration #TamilKlik