🚨 “இரண்டாம் உலகப்போருக்குப் பின்னரான மிகப்பெரிய தாக்குதலை கைவிட்டேன்!”… டொனால்ட் ட்ரம்ப் வெளியிட்ட அதிர்ச்சித் தகவல்! 🇺🇸

🇺🇸 🇮🇷 ஈரானை அழிக்கவிருந்த திட்டம் ரத்து… சவூதி இளவரசரின் மத்தியஸ்தத்தால் அமைதி திரும்புமா? 🕊️

ஈரானுக்கு எதிராகத் திட்டமிடப்பட்டிருந்த மிகப்பெரிய இராணுவத் தாக்குதலைத் தாம் கைவிட்டுள்ளதாக அமெரிக்கக் குடியரசுத் தலைவர் டொனால்ட் ட்ரம்ப் தெரிவித்துள்ளார். மத்திய கிழக்கில் உள்ள நட்புறவு நாடுகள் விடுத்த கோரிக்கையையும், அணுசக்தி விவகாரத்தில் வரலாற்று முக்கியத்துவம் வாய்ந்த ஒப்பந்தம் ஒன்று எட்டப்படும் என்ற நம்பிக்கையையும் தொடர்ந்தே இந்தத் தீர்மானம் எடுக்கப்பட்டதாக அவர் குறிப்பிட்டுள்ளார்.

📌 என்ன நடந்தது?

அமெரிக்கக் குடியரசுத் தலைவரின் அதிகாரப்பூர்வ விமானமான ‘எயார்போர்ஸ் வன்’ (Air Force One) இல் ஊடகவியலாளர்களுக்குக் கருத்துத் தெரிவிக்கும்போதே ட்ரம்ப் இந்தத் தகவலை உறுதிப்படுத்தினார்.

ஈரான் மீதான தாக்குதலை ஒத்திவைக்குமாறு சவூதி அரேபியா, ஐக்கிய அரபு அமீரகம், கட்டார் மற்றும் ஈரான் ஆகிய நாடுகள் தன்னிடம் கோரிக்கை விடுத்ததாக அவர் கூறினார். இந்தத் தாக்குதல் இடம்பெற்றிருந்தால், அது ஈரான் மீது பாரிய அழிவை ஏற்படுத்தியிருக்கும் என்றும் அவர் சுட்டிக்காட்டினார்.

🤝 அமைதி ஒப்பந்தத்திற்கான முயற்சி

ஈரானின் அணுசக்தி திட்டம் மற்றும் ஹொர்முஸ் நீரிணையை (Strait of Hormuz) மீண்டும் திறப்பது தொடர்பில் புதிய ஒப்பந்தம் ஒன்று எட்டப்படக்கூடிய சாத்தியக்கூறுகள் உள்ளதாகக் குறிப்பிட்ட ட்ரம்ப், இது குறித்த உத்தியோகபூர்வ பேச்சுவார்த்தைகள் ஆரம்பமாகவுள்ளதாகவும் தெரிவித்தார்.

தாக்குதலைத் தவிர்த்து பேச்சுவார்த்தை மூலம் தீர்வுக காண்பதே சிறந்தது எனச் சவூதி அரேபியாவின் கிரீட இளவரசர் முகமது பின் சல்மான் தன்னிடம் வலியுறுத்தியதை ட்ரம்ப் உறுதிப்படுத்தினார். மேலும், இந்த மோதல் காரணமாகப் பெருமளவிலான அகதிகள் உருவாகி, அவர்கள் அமெரிக்காவின் அண்டை நாடுகளில் தஞ்சமடையும் அபாயம் காணப்படுவதாகவும் அவர் கவலை வெளியிட்டார்.

🌍 பிற முக்கிய சர்வதேச மற்றும் உள்நாட்டு விவகாரங்கள்

தனது பேட்டியின் போது ட்ரம்ப் பல முக்கிய சர்வதேச மற்றும் உள்நாட்டு விவகாரங்கள் குறித்தும் கருத்துப் பகிர்ந்து கொண்டார்:

• அமைச்சரவை நியமனம்: டொட் பிளான்ச் (Todd Blanche) சட்டமா அதிபராக உறுதி செய்யப்படாவிட்டால், சர்ச்சைக்க்குரிய 1.8 பில்லியன் டொலர் ஆயுத நிதியத்தை மீண்டும் நடைமுறைப்படுத்துவது குறித்து பரிசீலிப்பதாக அவர் எச்சரித்தார்.

• விசாரணைகள் மற்றும் சர்வதேச உறவுகள்: காணாமல் போன நான்சி குத்ரி (Nancy Guthrie) தொடர்பான எஃப்பிஐ (FBI) விசாரணைகள் மற்றும் காங்கிரஸ் உறுப்பினர் மெக்ஸ் மில்லர் (Max Miller) மீதான குற்றச்சாட்டுகள் குறித்துக் கவனஞ்செலுத்துவதாகக் கூறினார்.

• கனடா மற்றும் ஜப்பான்: அமெரிக்காவில் பரவிய காட்டுத்தீ விவகாரத்தில் கனடாவிற்கு எதிரான நடவடிக்கை தீர்மானிக்கப்பட்டுள்ளதாகவும், ஜப்பானிய யென் (Yen) நாணய சந்தையில் அமெரிக்கா தலையிடும் என்றும் அவர் தெரிவித்தார்.

• தொழில்நுட்பத்துறை: ஓப்பின் ஏஐ (OpenAI) மற்றும் அன்த்ரோபிக் (Anthropic) நிறுவனங்களின் ஊடுருவல்கள் குறித்துக் கருத்துத் தெரிவிக்க மறுத்த அவர், இன்டெல் (Intel) நிறுவனத்துடனான 75 பில்லியன் டொலர் ஒப்பந்தம் நாட்டின் பொருளாதாரத்திற்குப் பலன் தரும் என்றும் கூறினார்.

#Trump #Iran #USNews #WorldNews #MiddleEast #StraitOfHormuz #TamilNews #TamilKlik