🔥🏆 உலகக் கிண்ண இறுதிப்போட்டி வன்முறை: மன்னிப்புக் கேட்க மறுக்கும் லியான்ட்ரோ பரீடஸ்! ஃபீஃபா சிவப்பு அட்டையை நீக்கியதால் சர்ச்சை! 🏆🔥

🚨🏆 வன்முறையில் ஈடுபட்ட போதிலும் மன்னிப்புக் கேட்காத லியான்ட்ரோ பரீடஸ் 🏆🚨

ஸ்பெயினுக்கு எதிரான உலகக் கிண்ண இறுதிப்போட்டியின் பின்னர் இடம்பெற்ற வன்முறையான சம்பவங்களுக்குப் பின்னரும், ஆர்ஜென்டீனா அணியின் நட்சத்திர வீரர் லியான்ட்ரோ பரீடஸ் தனது செயல்களுக்காக மன்னிப்புக் கேட்க மறுத்துள்ளார். அதற்குப் பதிலாக, தொடர் முழுவதும் தனது அணி வெளிப்படுத்திய முயற்சிகள் குறித்துப் பெருமைப்படுவதாகத் தெரிவித்துள்ளார்.

போட்டி முடிந்த பின்னர் இடம்பெற்ற மோதலின் போது, எரிக் கார்சியாவைத் தரையில் தள்ளித் தாக்கிய தோடு, காவியுடன் கைகலப்பில் ஈடுபட்டு ஸ்பெயின் அணியின் வெற்றியைக் கொண்டாடுவதைத் தடுத்தார். அதேவேளை, மான்செஸ்டர் சிட்டி வீரர் ரொட்ரியை நோக்கி நஹுவேல் மொலினா தாக்குதல் நடத்தியதன் மூலமே இந்த வன்முறை வெடித்ததாகத் தெரிகின்றது.

⚖️⚽ சிவப்பு அட்டையை நீக்கிய ஃபீஃபா: விசாரணைகள் தொடர்கின்றன ⚖️⚽

போட்டிக்குப் பிந்தைய இந்த மோதலின் போது பரீடஸுக்குச் சிவப்பு அட்டை காண்பிக்கப்பட்டதாகக் கூறப்பட்டது. இருப்பினும், ஃபீஃபா அந்தச் சிவப்பு அட்டையை உத்தியோகபூர்வ பதிவிலிருந்து நீக்கியுள்ளதாக பிபிசி விளையாட்டு செய்திச் சேவை தெரிவித்துள்ளது.

சம்பவத்திற்குப் பின்னர் வெளியிட்ட தனது முதலாவது அறிக்கையில் பரீடஸ் எந்தவொரு மன்னிப்பையும் தெரிவிக்கவில்லை.

அவர் தனது பதிவில் குறிப்பிடுகையில்: “நன்றி ஆர்ஜென்டீனா! இன்றைக்கும் என்றைக்கும் நான் உங்களை நேசிக்கிறேன். எமது நாட்டிற்குத் தேவையான மகிழ்ச்சியைக் கொண்டுவர முடியவில்லையே என்ற கணத்த இதயத்துடனே இதனை எழுதுகிறேன். ஆனால், எமது முழுச் சக்தியையும் வழங்கி, எமது தேசியக் கொடியை மீண்டும் உச்சத்தில் பறக்கவிட்டமைக்காகப் பெருமிதம் கொள்கிறேன்! இந்த தேசிய அணியின் அங்கமாக இருந்த அனைவருக்கும் நன்றி. ஒவ்வொரு போட்டியின் கடைசி வினாடி வரை சண்டையிட்டுச் சீருடையைப் பிரதிநிதித்துவப்படுத்திய இந்த வீரர் குழுவிற்கு எனது நன்றிகள். வரலாற்றிலேயே மிகச் சிறந்த ஆர்ஜென்டீனிய அணியின் அங்கமாக இருந்தது எனக்குக் கிடைத்த கௌரவமாகும்” எனக் குறிப்பிட்டுள்ளார்.

சிவப்பு அட்டை பதிவில் இல்லாவிட்டாலும், இடம்பெற்ற சம்பவங்கள் குறித்துத் தொடர்ந்து விசாரணை நடத்தப்படும் என ஃபீஃபா உறுதிப்படுத்தியுள்ளது.

🎙️⚽ விளையாட்டு ஊடகவியலாளர்களின் கடும் விமர்சனங்கள் ⚽🎙️

பிபிசி வர்ணனையின் போது பேசிய அலன் ஷீரர்: “பரீடஸ் எதிரணி வீரரின் முகத்தில் பலமான அடிகளைக் கொடுத்தார். இதற்கெல்லாம் விளையாட்டில் இடமில்லை. அவர்களுக்கு தோல்வி எவ்வளவு வலிக்கும் என்பதை நாம் அறிவோம், ஆனால் தோற்பதற்கும் ஒரு வழிமுறை உண்டு. ஆர்ஜென்டீனாவிடம் இருந்து இவ்வாறான காரியங்களை நாம் பலமுறை பார்த்திருக்கிறோம். போட்டி முடிவுக்குப் பின்னரான அவர்களின் நடத்தை மிகவும் மோசமானது” எனக் குறிப்பிட்டுள்ளார்.

அதேவேளை, ஜோ ஹார்ட் கருத்துத் தெரிவிக்கையில்: “போட்டி முடிந்துவிட்டது; இன்றைய முடிவுகள் குறித்து அவர்களால் எந்தக் குறையும் சொல்ல முடியாது. இது அருவருக்கத்தக்க நடத்தை” எனக் கூறியுள்ளார்.

இருப்பினும், ஆர்ஜென்டீனா அணியின் பயிற்றுவிப்பாளர் லியோனல் ஸ்கலோனி, தங்கள் அணிக்குத் ‘தோற்பது எப்படி என்று தெரியும்’ என விசித்திரமாகக் கூறியுள்ளார். “நாம் வெற்றியைப் போலவே தோல்வியையும் கண்ணியமாக ஏற்றுக்கொள்ள வேண்டும். நாங்கள் தோற்றுவிட்டோம் என்பதை ஏற்றுக்கொள்கிறோம், ஆனால் அதற்காக நாங்கள் வாழாமல் இருக்கப்போவதில்லை” எனக் கூறியுள்ளார்.

#tamilklik #tamil #tamilnews #WorldCup #Argentina #Paredes #FIFA #Spain #FootballNews #SriLankaTamil #SportsNews