🌇🇺🇸 🇮🇱 நியூயோர்க்கில் நெதன்யாகு கைது செய்யப்படுவாரா? மேயர் மம்தானியின் அதிரடித் திட்டம்!

ஐநா மாநாட்டில் பரபரப்பு: இஸ்ரேல் பிரதமருக்கு நியூயோர்க்கில் காத்திருக்கும் ஆபத்து!

நியூயோர்க் நகரத்தின் சோசலிசவாத மேயரான சோஹ்ரான் மம்தானி, இஸ்ரேல் பிரதமர் பெஞ்சமின் நெதன்யாகு நியூயோர்க் மண்ணில் கால் வைத்தால், அவரைக் கைது செய்வதற்கான சட்ட வழிகள் குறித்து தீவிரமாக ஆராய்ந்து வருகிறார். 🛑

பின்னணி என்ன?

காஸா பகுதியில் இடம்பெற்ற போர்க்குற்றங்கள் தொடர்பில், மம்தானி பிரதமர் நெதன்யாகுவுக்கு எதிராக சர்வதேச குற்றவியல் நீதிமன்றம் (ICC) அண்மையில் பிடியாணை (Arrest Warrant) பிறப்பித்திருந்தது. தான் அதிகாரத்திற்கு வருவதற்கு முன்பே, இந்த சர்வதேச பிடியாணையை நியூயோர்க் நகரத்தில் நடைமுறைப்படுத்துவதாக மேயர் மம்தானி உறுதியளித்திருந்தார் என்பது குறிப்பிடத்தக்கது. ⚖️

🇺🇳 ஐநா மாநாடும் நெதன்யாகுவின் வருகையும்

எதிர்வரும் செப்டெம்பர் மாத இறுதியில் நியூயோர்க்கில் நடைபெறவுள்ள ஐக்கிய நாடுகள் சபையின் பொதுச்சபை அமர்வில் உரையாற்றுவதற்காக இஸ்ரேல் பிரதமர் நெதன்யாகு அங்கு வருவார் என எதிர்பார்க்கப்படுகிறது.

இது குறித்து நியூயோர்க் டைம்ஸ் நாளிதழுக்கு சனிக்கிழமை வழங்கிய நேர்காணலில் மேயர் மம்தானி கருத்துத் தெரிவிக்கையில், “பிரதமர் நெதன்யாகு சர்வதேச நீதிமன்றக் கூண்டில் இருக்க வேண்டியவர் என நான் நம்புகிறேன். அவர் சர்வதேச குற்றவியல் நீதிமன்றத்தால் குற்றம் சாட்டப்பட்ட ஒரு போர்க்குற்றவாளி” என்று மிக ஓங்கி உரைத்துள்ளார். 📢

👮 சட்ட அதிகாரம் உள்ளதா?

நியூயோர்க் நகரத்தின் முதலாவது முஸ்லிம் மேயரான மம்தானி, காஸா மீதான இஸ்ரேலின் போரைக் கடுமையாக எதிர்த்து வருவதுடன், அதனை ஒரு இனப்படுகொலை என்றும் வர்ணித்துள்ளார். அத்துடன், இஸ்ரேலுக்கு அமெரிக்கா வழங்கும் இராணுவ மற்றும் நிதி உதவிகளையும் அவர் எதிர்த்து வருகிறார்.

இருப்பினும், ஒரு வெளிநாட்டுத் தலைவரைக் கைது செய்யுமாறு நியூயோர்க் பொலிஸாருக்கு (NYPD) உத்தரவிடும் சட்ட அதிகாரம் தனக்கு உள்ளதா என்பதில் இன்னும் தெளிவில்லை என அவர் குறிப்பிட்டுள்ளார். இது தொடர்பாக நகரத்தின் சட்ட வல்லுநர்களுடன் தான் தீவிரமாக ஆலோசித்து வருவதாகவும் அவர் கூறினார். “நியூயோர்க் நகரச் சட்டங்களின்படி எனக்கு என்ன அதிகாரம் உள்ளதோ, அதனை நாம் நிச்சயம் செய்வோம். ஆனால், அதற்கென நாம் புதிய சட்டங்களை உருவாக்கப் போவதில்லை” என்றும் மம்தானி தெளிவுபடுத்தியுள்ளார். 📋

💥 ட்ரம்புடன் மோதலா?

மேயர் மம்தானி இந்த அதிரடி நடவடிக்கையில் இறங்கினால், அது அமெரிக்க அதிபர் டொனால்ட் ட்ரம்புடன் நேரடி முரண்பாட்டை ஏற்படுத்தலாம்.

ஏனெனில், அமெரிக்கா சர்வதேச குற்றவியல் நீதிமன்றத்தை (ICC) அங்கீகரிப்பதில்லை. அத்தோடு, “அமெரிக்காவையும் எமது நெருங்கிய கூட்டாளியான இஸ்ரேலையும் இலக்கு வைத்து இந்த நீதிமன்றம் அடிப்படையற்ற சட்டவிரோத நடவடிக்கைகளில் ஈடுபடுகிறது” எனக் கூறி, கடந்த ஆண்டு பெப்ரவரி மாதம் சர்வதேச நீதிமன்றத்தின் மீது ட்ரப் தடைகளையும் விதித்திருந்தார். 🏛️❌

🗣️ நெதன்யாகுவின் காரசாரமான பதில்

கடந்த ஆண்டு மேயர் தேர்தல் பிரச்சாரத்தின் போதே மம்தானி தன்னைத் தாக்கிக் பேசிய போதிலும், இஸ்ரேலுக்கு வெளியே அதிகளவிலான யூத மக்கள் வாழும் நியூயோர்க் நகரத்திற்கு தான் கண்டிப்பாக வருவேன் என நெதன்யாகு கூறியிருந்தார்.

அண்மையில், மேயரின் தீவிர விமர்சகரான நியூயோர்க் வானொலி ஊடகவியலாளர் சிட் ரோசன்பேர்க்கிற்கு வழங்கிய பேட்டியில் நெதன்யாகு மேயரைச் சாடியுள்ளார்: “மம்தானி யாரைக் கண்டிக்கிறார், யாரைப் பாராட்டுகிறார் என்பதை அவரே சிந்தித்துப் பார்க்க வேண்டும். அமெரிக்க விழுமியங்களுடன் தோளோடு தோள் நின்று உழைக்கும் ஒரேயொரு ஜனநாயக நாடான இஸ்ரேலையே அவர் கண்டிக்கிறார்.”

மேலும், “அவர் பயங்கரவாதிகளின் பக்கம் நிற்கிறார். உண்மையில் அவர் ரகசியமாக அமெரிக்காவை வெறுக்கிறார் என்றே நான் நினைக்கிறேன்” என்றும் நெதன்யாகு குற்றம் சாட்டியுள்ளார்.

இருப்பினும், மேயர் மம்தானி ஹமாஸ் அமைப்பிற்கு ஆதரவாக எந்தவொரு கருத்தையும் வெளியிடவில்லை என்பதுடன், காஸா போருக்குக் காரணமான 2023 அக்டோபர் 7ஆம் திகதி இஸ்ரேல் மீது ஹமாஸ் நடத்திய தாக்குதல்களையும் அவர் கண்டித்துள்ளார். 🛑

📉 அரசியல் நெருக்கடியில் இஸ்ரேல் பிரதமர்

தற்போது நெதன்யாகு சொந்த நாட்டிலும் கடுமையான அரசியல் சவால்களை எதிர்கொண்டு வருகிறார். அவர் மீது ஊழல் குற்றச்சாட்டுகள் சுமத்தப்பட்டு வழக்கு விசாரணைகள் நடந்து வரும் நிலையில், அவர் மீண்டும் தேர்தலை எதிர்கொள்ள வேண்டியுள்ளது. பிராந்திய மோதல்களை அவர் கையாண்ட விதம் குறித்து நாட்டு மக்கள் கடும் அதிருப்தியில் உள்ளதோடு, ட்ரப் நிர்வாகத்துடனான உறவிலும் விரிசல் ஏற்பட்டுள்ளது. 📉

மறுபுறம், காஸா போரினால் இஸ்ரேலுக்கு அமெரிக்காவில் தசாப்தங்களாக இருந்து வந்த இருகட்சி ஆதரவு நிலைப்பாடு தற்போது ஆட்டம் கண்டுள்ளது. இஸ்ரேலுக்கான அமெரிக்க உதவிகளை நிறுத்தக் கோரி, இந்த வாரம் பிரதிநிதிகள் சபையின் ஜனநாயகக் கட்சியினரில் அரைவாசிக்கும் மேற்பட்டோர் வாக்களித்தனர். இந்த மசோதா நிறைவேறாவிட்டாலும், இஸ்ரேல் மீதான அமெரிக்காவின் பார்வையில் ஏற்பட்டுள்ள பாரிய பிளவை இது வெளிச்சம் போட்டுக் காட்டியுள்ளது. 🇺🇸

#tamilklik #tamil #tamilnews #newyork #netanyahu #mamdani #unsummit #icc #israelpalestine #worldnews